ބިދޭސީންނަށް ހުއްދަ ދޫކުރުމާ ގުޅޭ ހުރިހާ މަސައްކަތެއް ހޯމް މިނިސްޓްރީގެ ދަށަށް ބަދަލުކޮށްފިއެވެ.

މިކަން ހޯމް މިނިސްޓްރީން ހާމަކޮށްފައިވަނީ އެ މިނިސްޓްރީން ކުރި އިއުލާނެއްގައިއެވެ.

މިގޮތުން މި އިއުލާނުގައި ބުނީ، ބިދޭސީން ގެނައުމުގެ ކޯޓާ ދޫކުރުމާއި، ބިދޭސީން ގެނައުމަށް ހުއްދަ ދިނުމާއި، އެކަމާގުޅިގެން ކުރަންޖެހޭ ކަންތައްތައް ރާވައި ހިންގުމުގެ މަސައްކަތްތައް މިދިޔަ އަހަރުގެ ނޮވެމްބަރު މަހުގެ 17 އިން ފެށިގެން އެ މިނިސްޓްރީގެ ދަށަށް ބަދަލުވެފައިވާކަމަށެވެ.

Advertisement

މީގެ ކުރިން ދިވެހިރާއްޖޭގައި ވަޒީފާ އަދާކުރާ ބިދޭސީންނަށް ހުއްދަ ދޫކުރުމާ ގުޅޭގޮތުން ކުރާ އެންމެހާ މަސައްކަތްތައް ކުރަމުންއައީ މިނިސްޓްރީ އޮފް އިކޮނޮމިކް ޑެވެލޮޕްމެންޓު އެންޑް ޓްރޭޑް ނުވަތަ ކުރީގެ މިނިސްޓްރީ އޮފް އިކޮނޮމިކް ޑެވެލޮޕްމެންޓުގެ ދަށުންނެވެ.