"ޗައިނާ ވައިޓް" ކިޔާ ނުރައްކާތެރި މަސްތުވާތަކެތީގެ ބާވަތެއް ދައުރުވަމުންދާތީ އެކަމަށް އާއްމުން ސަމާލުވުމަށް އެދެފިއެވެ.
މިނިސްޓްރީ އޮފް ހޯމް ލޭންޑް ސެކިއުރިޓީ އެންޑް ޓެކްނޮލޮޖީ އިން ނެރުނު އާއްމު ސަލާމަތްތެރިކަމާއި ގުޅޭ ސަމާލުގައި ބުނީ، މަސްތުވާތަކެތީގެ ނުރައްކާތެރި ބާވަތެއްކަމުގައިވާ " ފެންޓަނީލް-ލޭސްޑް ޑްރަގްސް" ނުވަތަ އާއްމު ނަމުން ނަމަ "ޗައިނާ ވައިޓް" ވަނީ ބައިނަލްއަޤުވާމީ ބާޒާރުގައި އުފައްދާ އަދި ދައުރުވަމުންދާ މިންވަރު އިތުރުވެފައި ކަމަށެވެ.
މިއީ ބާރުގަދަ ކެމިކަލްތަކެއް އެއްކުރެވިގެން އުފައްދާފައިވާ، ނުރައްކާތެރި އެއްޗަކަށްވާތީ އާއި މި ބާވަތުގެ މަސްތުވާ ތަކެއްޗަކީ، އެ ބޭނުންކުރާ ފަރާތްތަކުގެ ފުރާނައަށް ނުރައްކާވާފަދަ ބާރުގަދަ މަސްތުވާ އެއްޗެއް ކަމަށް ވެސް ހޯމް މިނިސްޓްރީން ވަނީ ބުނެފައެވެ.
ހޯމް މިނިސްޓްރީން ބުނީ، މިކަމާއި ގުޅިގެން އަޅަން ޖެހޭ ފިޔަވަޅު ތަކާއި ކުރަން ޖެހޭ މަސައްކަތްތައް އެ މިނިސްޓްރީ އާއި ނޭޝަނަލް ޑްރަގް އެޖެންސީ އަދި ކަމާއި ގުޅުން ހުރި ފަރާތްތައް ގުޅިގެން ކުރަމުންދާ ކަމަށެވެ.
Advertisement
This content is created and paid for by advertisers and does not involve Voice Journalists
