އެމްއެންޑީއެފް ކޯސްޓްގާޑުގެ 17 ސިފައިން, ސީ ވިޝަން އޮޕަރޭޓަރ ކޯސް ފުރިހަމަކޮށްފިއެވެ.

އެމްއެންޑީއެފް އިން މިއަދު އެކްސްގައި ކުރި ޕޯސްޓެއްގައި ބުނެފައިވަނީ މި މަހުގެ 19 ވަނަ ދުވަހުން ފެށިގެން ކުރިއަށް ގެންދިޔަ ސީ ވިޝަން އޮޕެރޭޓަރ ކޯހުގައި ބައިވެރިވެ، ދިވެހި ކޯސްޓުގާޑުގެ 17 ސިފައިން ކާމިޔާބުކަމާއެކު އެ ކޯސް ފުރިހަމަ ކޮށްފައިވާ ކަމަށެވެ. 

ސީ ވިޝަން އޮޕެރޭޓަރ ކޯހަކީ، ރާއްޖޭގެ ކޯސްގާޑަށް އަމާޒުކޮށް އެމެރިކާ ކަނޑުގެ ސިފައިންގެ ހަތްވަނަ ފްލީޓުން ހިންގި ކޯހެކެވެ.

Advertisement

https://x.com/MNDF_Official/status/1793601827378024848

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސަރުކާރުގައި ރާއްޖެއާ އެމެރިކާއާ ދެމެދު އޮންނަ އަސްކަރީ ގުޅުން ބަދަހިކުރަން ދަނީ ގިނަ މަސައްކަތްތަކެއް ކުރައްވަމުންނެވެ.

އެގޮތުން، މި މަހުގެ ފަސްވަނަ ދުވަހުން ފެށިގެން 28 ގެ ނިޔަލަށް ޔޫއެސް މޮންޓާނާ ނޭޝަނަލް ގާޑްގެ ސިފައިންނާއި ދިވެހި އަސްކަރިއްޔާއިން ގުޅިގެން އެކްސަސައިޒް "ބްލެކް މާލިން"ގެ ނަމުގައި ތަމްރީނުތަކެއް ކުރަމުން ދާކަން ފާހަގަކޮށްލެވެއެވެ.