މި އަހަރުގެ މިނިވަން ދުވަހުގެ ޝިއާރަކީ "ދިވެހީންގެ އަމިއްލަވަންތަކަން، ދިވެހިންގެ މިނިވަންކަން" ކަމަށް ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ކަނޑައަޅުއްވައިފިއެވެ.
ރައީސް ޑރ.މުޢިއްޒު މިފަދައިން ކަނޑައެޅުއްވިކަން ހާމަކޮށްފައިވަނީ ދިވެހި ބަހާއި ތަރިކައާއި ބެހޭ ވުޒާރާއިން މިއަދު ބޭއްވި ނޫސްވެރިންގެ ބައްދަލުވުމުގައި ވަޒީރު އާދަމް ނަސީރު އިބްރާހިމްއެވެ.
" މިނިވަން ދުވަހުގެ ކަންތައްތަކުގައި ބޭނުންކުރާނެ ޝިއާރެއް ރައީސް ޑރ.މުޙައްމަދު މުޢިއްޒު ވަނީ މިހާރު ފާސްކުރައްވާ ކަނޑައަޅުއްވާފައި. އެ ޝިއާރަކީ "ދިވެހިންގެ އަމިއްލަވަންތަކަން، ދިވެހިންގެ މިނިވަންކަން"
ވަޒީރު ނަސީރު ވިދާޅުވިއެވެ.
ކޮންމެ އަހަރެއްގެ ވެސް ޖުލައި މަހުގެ 26 ވަނަ ދުވަހު ފާހަގަކުރާ ގައުމީ މިނިވަން ދުވަހަކީ، 1965 ވަނަ އަހަރުގެ ޖުލައިމަހުގެ 26 ވަނަ ދުވަހު އިނގިރޭސިންގެ ހިމާޔަތުގެ ދަށުން ދިވެހި ރާއްޖެއަށް ފުރިހަމަ މިނިވަންކަން ހޯއްދަވައިދެއްވުމަށް އިނގިރޭސި ސަރުކާރާއި ދިވެހި ސަރުކާރާ ދެމެދު ރާއްޖެއަށް މިނިވަންކަން ދިނުމުގެ އެއްބަސްވުމުގައި ސޮއިކުރެވުނު ތާރީޚީ ދުވަހެވެ.
Advertisement
This content is created and paid for by advertisers and does not involve Voice Journalists
