އާއިލާއަށް ޚަބަރެއް ނުވެ، ގެއްލިގެން ހޯދަމުންދިޔަ ތ. މަޑިފުށި / ނައިޓްރޯސް، ޢާއިޝަތު ޒޯޔާ ފިކުރީ (14އ) ފެނިފައިވާ ކަމަށް ފުހުލުން ބުނެފިއެވެ. 

ޒޯޔާގެ އާއިލާއަށް ޚަބަރެއްނުވެ ގެއްލިފައިވާ ކަމަށް ރިޕޯޓުކޮށްފައިވާތީ އެކުއްޖާ ހޯދުމުގެ މަސައްކަތް ފުލުހުންދަނީ ކުރަމުންދާ ކަމަށް ރޭގެ ވަގުތެއްގައި ފުލުހުން ބުނެފައިވެއެވެ. 

އަދި އޭނާގެ އާއިލާއަށް އެންމެ ފަހުން ޚަބަރެއްވީ މިމަހު 21 ވަނަ ދުވަހު އެކުއްޖާ ދިރިއުޅޭ ގެއިން ކަމަށްވެސް އާއިލާއާ ހަވާލާދީ ފުލުހުން ބުންޏެވެ. 

Advertisement

ފުލުހުން، ޒޯޔާ ގެއްލިފައިވާ ކަމަށް ބުނެ އޭނާ ހޯދުމަށް އިއުލާން ކުރިތާ މާ ގިނަ އިރެއް ނުވެ، ރޭގެ ވަގުތެއްގައި އޭނާ މާލެއިން ފެނުފައިވާ ކަމަށް އެ އިދާރާއިން ވަނީ މައުލޫމާތު ދިފައެވެ. އަދި އޭނާގެ ހާލު ރަނގަޅު ކަމަށްވެސް ފުލުހުން މައުލޫމާތު ދެއެވެ.

މީގެ ކުރިން، ނިމިދިޔަ އަހަރުގެ ތެރޭގައިވެސް ޒޯޔާ ގެއްލިގެން ފުލުހުން އިއުލާން ކޮށްފައިވާކަން ފާހަގަކޮށްލަން ޖެހެއެވެ. 

މި މައްސަލާގައި، ކަމާ ގުޅުންހުރި އިދާރާތަކާ ގުޅިގެން ބަލަންޖެހޭ ކަންކަން ބަލަމުންދާ ކަމަށް މިއަދު ފުލުހުން ވަނީ ބުނެފައެވެ.