ދިވެހިބަހާއި ސަގާފަތާއި ތަރިކައާ ބެހޭ ވުޒާރާ އާއި ގުޅިގެން ގައުމީ ފެންވަރުގައި މިފަހަރު އަޟްޙާ އީދު ނުވަތަ ބޮޑު އީދު ފާހަގަކުރަނީ ރ.އުނގޫފާރު، ދ.ކުޑަހުވަދޫ އަދި ގއ. ވިލިނގިލީގައި ކަމަށް އެ ވުޒާރާއިން ބުނެފިއެވެ.

ދިވެހިބަހާއި ސަގާފަތާއި ތަރިކައާ ބެހޭ ވުޒާރާ އާއި ގުޅިގެން އީދު ފާހަގަކުރުމަށްޓަކައި ރާއްޖޭގެ އުތުރުން 7 ރަށަކާއި، މެދުރާއްޖެތެރެއިން 10 ރަށަކާއި، ރާއްޖޭގެ ދެކުނުން 9 ރަށަކާއެކު ޖުމްލަ 26 ރަށަކުން ވަނީ ޝައުގުވެރިކަން ފާޅުކޮށް، ޕްރޮޕޯސަލް ހުށަހަޅާފައެވެ.

އޭގެ ތެރެއިން ދިވެހިބަހާއި ސަގާފަތާއި ތަރިކައާ ބެހޭ ވުޒާރާ އާއި ގުޅިގެން މި އަހަރުގެ ބޮޑު އީދު ފާހަގަކުރާނެ ތިން ރަށެއް ކަނޑައަޅާނެ ކަމަށް ބުނެފައިވާއިރު، އެ ތިން ރަށް ހޮވުމުގައި އެ ވުޒާރާއިން ވަނީ ޢީދުގައި އެރަށަކުން ކުޅޭނެ ކުޅިވަރުތަކަށާއި، ކުރާނެ ޚަރަދުތަކާއި، އަގެއް ނުނަގައި އެރަށަކުން ކޮށްދޭނެ ކަންތައްތަކަށް ބަލާފައެވެ.

Advertisement

ހަމައެއާއިއެކު، މި ތިން ރަށް ކަނޑައެޅުމަށްޓަކައި އެ ވުޒާރާއިން ހުށައެޅުންތައް ބަލައި މާކްސް ދިނުމަށް އެކަމަށް ޚާއްޞަ ކޮމިޓީ އެއް އެކުލަވާލިކަން ވެސް ފާހަގަކޮށްލެވެއެވެ.