ހުޅުމާލޭގައި ސައިކަލަކާއި ކާރެއް ޖެހި ނުރައްކާތެރި އެކްސިޑެންޓެއް ހިނގައިފިއެވެ.

ފުލުހުން މައުލޫމާތު ދެއްވި ގޮތުގައި، މިއަދު ހަވީރު 16:40 ހާއިރު ކާރަކާއި ސައިކަލެއް ޖެހި އެކްސިޑެންޓެއް ހިނގާފައިވާކަމަށް ފުލހުންނަށް ރިޕޯޓުކޮށްފައިވެއެވެ.

މި އެކްސިޑޭންޓު ހިނގާފައިވަނީ ހުޅުމާލޭ ރީތިގަސް މަގު، ކަަރެކްޝަނަލްސަރވިސް ކައިރީގައެވެ. 

ފުލުހުން މައުލޫމާތު ދެއްވި ގޮތުގައި، މި އެކްސިޑެންޓުގައި ހިމެނޭ ކާރު ދުއްވި މީހާގެ އަތުގައި އެއްގަމު އުޅަނދު ދުއްވުމުގެ ލައިސަންސެއް ނެތެވެ. 

އެކްސިޑެންޓު ވި ދެ އުޅަނދަށްވެސް ވަނީ އެކި ވަރުގެ ގެއްލުންވެފައެވެ. އަދި މި އެކްސިޑެންޓުގައި 35 އަހަރުގެ ދިވެހި އަންހެނަކަށް އަނިޔާވެ ދަނީ، ޓްރީޓޮޕް ހޮސްޕިޓަލަށް ގެންގޮސް ފަރުވާ ދެމުންނެވެ. 

މި މައްސަލަ ފުލުހުން ގެންދަނީ ތަޙްޤީގު ކުރަމުން ކަަމށް ފުލުހުން މައުލޫމާތު ދެއްވިއެވެ.