މި އަހަރުގެ މިހާތަނަށް ރާއްޖެ އައި ފަތުރުވެރިންގެ އަދަދު 879،885 އަށް އަރައިފި އެވެ.
މިއަދު ފަތުރުވެރިކަމާ ބެހޭ ވުޒާރާއިން ޢާންމުކުރި ތަފާސް ހިސާބުތަކަށް ބަލާއިރު، މިދިޔަ އަންގާރަ ދުވަހުގެ ނިޔަލަށް ވަނީ 879،885 ފަތުރުވެރިން ރާއްޖެ އައިސްފައެވެ.
މިދިޔަ އަހަރުގެ އެ މުއްދަތުގެ ނިޔަލަށް ރާއްޖެ އައިސްފައިވަނީ 794،061 ފަތުރުވެރިންނެވެ. އެހެންކަމުން މިދިޔަ އަހަރުން މިއަހަރަށް ރާއްޖެ އައި ފަތުރުވެރިންގެ އަދަދު މި ވަނީ 10.8% އިން އިތުރުވެފައެވެ.
މި އަހަރު ރާއްޖެ އަށް އެންމެ ގިނަ ފަތުރުވެރިން އައިސްފައިވަނީ ޗައިނާ އިންނެވެ. އެގޮތުން މިއަހަރުގެ މިހާތަަނަށް ޗައިނާ އިން 98،908 ފަތުރުވެރިން ރާއްޖެ އައިސްފައިވެ އެވެ.
މި އަހަރު، ދެވަނައަށް އެންމެ ގިނަ ފަތުރުވެރިން ރާއްޖެ އައި ޤައުމެއްގެ ގޮތުގައި ރަޝިޔާ އޮތް އިރު، ތިން ވަނައަށް އެންމެ ގިނަ ފަތުރުވެރިން އައިސްފައިވަނީ އިނގިރޭސިވިލާތުންނެވެ.
މި މޭހުގެ ތަފާސްހިސާބުތަކަށް ބަލާއިރު، މޭ މަހު އެކަނި ވެސް ރާއްޖެ އަށް 107،515 ޓޫރިސްޓުން އައިސްފައިވެ އެވެ. އެހެންކަމުން އެވްރެޖުކޮށް ބަލާނަމަ ދުވާލަކު 5،945 ފަތުރުވެރިން ދަނީ ރާއްޖެ އަންނަމުންނެވެ.
ރާއްޖޭގައި މިވަގުތު 176 ރިސޯޓެއް ހިންގަމުންދާ އިރު، 15 ހޮޓަލާއި 855 ގެސްޓްހައުސްގެ އިތުރުން 149 ސަފާރީއެއް ހިންގައެވެ.
Advertisement
This content is created and paid for by advertisers and does not involve Voice Journalists
