އިދިކޮޅު އެމްޑީޕީގެ މެޖޯރިޓީ އޮތް، 19 ވަނަ ރައްޔިތުންގެ މަޖިލީހުން، ރައްޔިތުންގެ ކަންބޮޑުވުންތައް ހުރި ޚައްސާސް މައްސަލަތަކާއި ގުޅިގެން ހުށަހެޅުނު ކުއްލި މައްސަލަތައް ބޭރު ކުރި ކަމަށާ، އެހެން ނަމަވެސް، ޕީއެންސީގެ މެޖޯރިޓީ އޮތް 20 ވަނަ ރައްޔިތުން މަޖިލީހުން އިދިކޮޅުގެ ކުއްލި މައްސަލަ ބަލައިގަނެ ތަފާތު ދައްކާފައިވާ ކަމަށް، ޕީއެންސީގެ ޕީޖީ ލީޑަރ އިބްރާޙިމް ފަލާޙް ވިދާޅުވެއްޖެއެވެ.
ރައްޔިތުންގެ މަޖިލީހުގެ މިއަދުގެ ޖަލްސާގައި، ހިތަދޫ ދެކުނު ދާއިރާގެ އެމްޑީޕީ މެންބަރު، އިބްރާހީމް ނާޒިލް ވަނީ އައްޑޫ ސިޓީ ހިތަދޫ އާއި ގުޅިފައިވާ ރަށްތަކަށް ސާފު ފެން ލިބުމުގައި ދަތިތަކާއި ކުރިމަތިލާން ޖެހުފައިވާ ކަމަށް ބުނެ ކުއްލި މައްސަލައެއް މަޖިލީހަށް ހުށަހަޅާފައެވެ.
އެ މައްސަލަ، ވޯޓުގައި ބައިވެރިވި 83 މެންބަރުންގެ ތާއިދާއެކު މަޖިލީހަށް ވަނީ ބަލައިގަނެފައެވެ.
އެ މައްސަލައަށް ބަހުސް ކުރައްވަން ލިބިލެއްވި ފުރުސަތުގައި ފަލާހު ވިދާޅުވީ، އެއީ އެ ޕާޓީންވެސް ވަރަށް ބޮޑަށް ބަހުސް ކުރައްވަން ބޭނުންވާ މައްސަލައެއް ކަމަށެވެ.
އެއްވެސް ޝައްކެއްނެތް، އެޖެންޑާ 19 ކިޔާ ރައްޔިތުންގެ މަޖިލީހަކުން، އަޅުގަނޑުމެންގެ، އޭރުގެ މައިނޯރިޓީގައި އޮތް، މަދު ޕާލަމެންޓްރީ ގުރޫޕުގެ މެންބަރުން ހުށްހެޅުއްވި، ރައްޔިތުންނާއި މިފަދަ ގުޅުންހުރި، މި ތަޅުމަށް ހުށަހެޅުއްވި އެއްވެސް ކުއްލި މައްސަލައެއް ނެތް މަޖިލީހުން ބަލައިގަނެފައެއް. އަޅުގަނޑުމެންގެ މި ސަރުކާރުގެ، ޚާއްސަކޮށް ޕާލަމެންޓްރީ ގުރޫޕުގެ އިޚްލާސްތެރިކަން ދިވެހިރައްޔިތުންނަށް މިއަދު ވަރަށް ބޮޑަށް ހާމަވެގެންދާނެ.
ޕީއެންސީގެ ޕީޖީ ލީޑަރ އިބްރާޙިމް ފަލާޙް
މީގެ އިތުރުން ފަލާހު ވިދާޅުވީ، މަޖިލީހުގައި އެމްޑީޕީގެ އެންމެ ބާރަ މެންބަރުން ތިބި ނަމަވެސް، ކޮމިޓީތައް އެކުލަވާ ލުމުގައުވެސް އެ ޕާޓީގެ މެންބަރުން އެދިލައްވާފައިވާ ގޮތަށް އެދިލެއްވި ހުރިހާ ފުރުސަތު ދެއްވި ކަމަށެވެ.
ފަލާހު މިފަދައިން ވިދާޅުވެފައި ވާއިރު ނިމިދިޔަ އެމްޑީޕީ ސަރުކާރުގައި، މަސްވެރިންގެ ކަންބޮޑުވުންތަކާއި ގުޅިގެންނާއި، ފަލަސްތީނު މައްސަލައާއި، ބޯހިޔާވަހިމަުގެ މައްސަލައާއި، އެއްޖިންސުން ގުޅުން ހިންގުން އާއްމުވުން ފަދަ ބޮޑެތި މައްސަލަތަކާއި ގުޅިގެން އޭރުގެ އިދިކޮޅު ޕާޓީން ހުށަހެޅުއްވި މައްސަލަތައް އެމްޑީޕީ މެންބަރުން ވަނީ ބޭރުކޮށްލާފައެވެ.
މިއާއެކު ފަހާލުވަނީ، އައްޑު ސިޓީ ފެނުގެ މައްސަލަ ކުރިމަތިވަމުންދާ ސަބަބު ތަކާއި ގުޅޭގޮތުން އެމްޑީޕީ އެހެން މެންބަރަކު ބަހުސް ކުރައްވަން ބޭނުންފުޅުވެސް ނުވާނެ ކަމަށް ވިދާޅުވެފައެވެ. އޭގެ ސަބަބެއް ކަމުގައި އޭނާ ވިދާޅުވީ، ވޭތުވެދިޔަ ސަރުކާރުގައި ފެނަކައިގެ ދަރަނި މައްޗަށް ދިޔަ މިންވަރާއި، އެކަމުގައި އޭރުގެ ފެނަކައިގެ އެމްޑީ ސަޢީދުއަށް ކުރެވޭ ތުހުމަތު ތަކެވެ.
އެގޮތުން، އެ ސަރުކާރު ނިންމާލިއިރު ފެނަކައިގެ ދަރަނި 4.6 ބިލިއަނަށް އަރުވާލާފައިވާ ކަމަށާ އެކަމުގެ ސަބަބުން ކުންފުންޏަށް ބޮޑެތި ގެއްލުންތަކެއް ވެފައިވާކަން އޭނާ ފާހަގަކުރެއްވިއެވެ.
މީގެ އިތުރުންވެސް އޭނާ ވަނީ، އެމްޑީޕީ ވެރިކަމަށް އަތުވެއްޖެ ނަމަ، ގައުމު އަބަދުވެސް “ދޮވެލައި” ދަރުވާލާ ކަމަށް ބުނެ އެސަރުކާރަށްވެސް ވަރަށް ބޮޑަށް ފާޑުވިދާޅުވެފައެވެ.
ު
Advertisement
This content is created and paid for by advertisers and does not involve Voice Journalists
