ދެ ލޯންޗެއް ޖެހި ނުރައްކާތެރި އެކްސިޑެންޓެއް ހިނގައިފިއެވެ.

މެރިން ފުލުހުން ވިދާޅުވީ، ރޭ 23:00 އެހާކަންހާއިރު ހުޅުލެ ނެރު ކައިރިން ދެ ލޯންޗު ޖެހި އެކްސިޑެންޓުވުމާއި ގުޅިގެން މެރިން ޕޮލިހުން ހަރަކާތްތެރިވަމުން އަންނަ ކަމަށެވެ.

އަދި މި އެކްސިޑެންޓުގައި ޖުމްލަ 7 މީހަކަށް އަނިޔާ ލިބިފައިވާ ކަމަށާ، އަނިޔާ ލިބުނު ފަރާތްތަކަށް ފަރުވާ ދިނުމަށްޓަކައި ރޭ އިންދިރާ ގާންދީ މެމޯރިއަލް ހޮސްޕިޓަލް (އައިޖީއެމްއެޗް)އަށް ގެންގޮސްފައިވާކަމަށް އެ އިދާރާއިން މައުލޫމާތުދީފައިވެއެވެ. 

އެކްސިޑެންޓްގައި ގެއްލުންވި ލޯންޗެއް: ފޮޓޯ/ އެކްސިޑެންޓްސް އިން މޯލްޑިވްސް

މި ހާދިސާއާއި ގުޅިގެން ކުރަންޖެހޭ ތަހުގީގުކުރަމުންދާކަމަށް މެރިން އިންވެސްޓިގޭޝަން ޑިޕާޓްމެންޓުން މައުލޫމާތުދީފައިވެއެވެ.