މަޖީދިއްޔާ ސުކޫލަށް 100 އަހަރު ފުރުން ފާހަގަކުރުމަށް ހިންގާނެ ހަރަކާތްތަކާ ގުޅޭގޮތުން މަޝްވަރާކުރުމަށް ޚާއްސަ މަޝްވަރާ ބައްދަލުވުމެއް ބާއްވަން ނިންމައިފިއެވެ.

މިއަދު މަޖީދިއްޔާ ސުކޫލުން ކުރި އިޢުލާނެއްގައި ބުނެފައިވަނީ މަޖީދިއްޔާ ސުކޫލަށް 100 އަހަރު ފުރޭ މުނާސަބާ ފާހަގަކުރުމަށްޓަކައި ހިންގާނެ ޙަރަކާތްތަކާ ގުޅޭ ގޮތުން މަޝްވަރާ ކުރުމަށް "މަޖީދީ ސައްލާ"ގެ ނަމުގައި ޚާއްސަ ބައްދަލުވުމެއް ބޭއްވުމަށް ހަމަޖެހިފައިވާ ކަމަށެވެ.

މި ބައްދަލުވުން ބާއްވަން ހަމަޖެހިފައިވަނީ، 12 ޖޫން ވާ ބުދަ ދުވަހުގެ ރޭ 9:00 ގައި ދާރުލްޢުލޫމް ހޯލްގައެވެ.

Advertisement

މި ބައްދަލުވުމުގައި މަޖީދިއްޔާ ސުކޫލަށް 100 އަހަރު ފުރެން 1000 ދުވަހަށް ވުމުން ފެށުމަށް ހަމަޖެހިފައިވާ ކައުންޓްޑައުން ޙަރަކާތުގައި ކުރާނެ ކަންތައްތަކާ ގުޅޭގޮތުން ޚައްސަ ގޮތެއްގައި މަޝްވަރާ ކުރެވޭނެކަމަށް އެ ސުކޫލުން ބުނެއެވެ.

މި ޚާއްސަ މަޝްވަރާ ބައްދަލުވުމުގައި ސުކޫލުގެ އިސްދަރިވަރުންނާއި، ސުކޫލަށް ހެޔޮއެދޭ އެންމެހާ ބޭފުޅުންނާ ބައްވެރިވެވަޑައިގަތުމަށް ސުކޫލުން ވަނީ ދަޢުވަތު އަރުވާފައެވެ.