ދިވެހިންގެ ތެރެއިން މަތީ ތަޢުލީމަށް ލޯބިކުރާ މީހުން އިތުރުވަމުން ދިޔަނަަމަވެސް ދިވެހިންގެ އަޚުލާޤީ ފެންވަރު ވަނީ ދަށް ކަމަށް ސުޕްރީމް ކޯޓުގެ ފަނޑިޔާރު މަހާޒު އަލީ ޒާހިރު ވިދާޅުވެއްޖެ އެވެ.
ރާއްޖޭގެ އިސްލާމިކް ޔުނިވާސިޓީގެ ދަސްވެނިވުމުގެ ރަސްމިއްޔާތު ޝަރަފުވެރިކޮށްދެއްވައި، ރޭ މަހާޒު ވިދާޅުވެފައި ވަނީ ދިވެހިންގެ ތެރޭގައި މަތީ ތަޢުލީމަށް ދެވޭ އަހަންމިއްޔަތުކަމެއް އެބައޮތް ކަމަށާއި، އެހެންކަމުން، މުޖުތަމަޢުގެ އަޚްލާޤީ ފޭރާން ރަނގަޅުވަާން ޖެހޭނެ ކަމަށެވެ. ނަމަވެސް، ދިވެހި މުޖުތަމަޢުން ފެންނަނީ މި މަންޒަރު ނޫންކަމަށް، ތަފާސްހިސާބުގެ އަލީގައި މަހާޒު ފާޙަގަކުރެއްވިއެވެ.
އެގޮތުން މަހާޒު ވިދާޅުވީ، ތަފާސްހިސާބުތަކުން ދައްކާގޮތުގައި، 2019 ވަނަ އަހަރު ދިވެހި ޔުނިވާސިޓީތަކަށް ވަތް މީހުންގެ އަދަދު 26،000 ގައި ހުރިއިރު 2022 އާ ހިސާބަށް ދިޔައިރު މި ޢަދަދު ވަނީ 29،000 އަށް ވަނީ އިތުރުވެފައިކަމަށެވެ. އަދި އަދަދުތަކުން ހާމަވަނީ ދިވެހި މުޖުތަމަޢުގައި ތައުލީމަށް ލޯބިކުރާ މީހުން އިތުރުވަމުން ދިޔުންކަމަށެވެ. ނަމަވެސް، މަތީ ތަޢުލީމު އުނގެނުމުން، މީހުންގެ އަޚްލާޤަށް އަންނާނެ ކަމަށް ބެލޭ ވެޔޮ ބަދަލުތައް، އަދުގެ ދިވެހި މުޖުތަމަޢުން، ނުފެންނަކަން ފާހަގަކުރައްވާ، މަހާޒު ވަނީ، ބައެއް މިސާލުތައްވެސް ޖައްސަވާފައެވެ.
ދިވެހި މުޖުތަމަޢުން ފެންނަ އަޚްލާޤީ ފެންވަރުގެ ދަށްކަން ހާމަ ކުރެއްވުމުގެ ގޮތުން، މިސާލެއް ނަންގަވައި މަހާޒު ވިދާޅުވީ މިސްކިތުގައި ދޮރުފަތް ނެތް ނަމަ، ސައިކަލު ޕާކުކުރާނީ މިހުރާބާއި މިމްބަރާ ދެމެދުގައިކަމަށެވެ. އަދި ފިހާރަތަކަށް ވަންނަން ސައިކަލުގައި ގޮސް، ވަދެވޭނަމަ ސައިކަލު ޕާކުކުރާނީ ސޭޓާއި ކައުންޓަރާ ދެމެދުގައި ކަމަށްވެސް މަހާޒު ވިދާޅުވިއެވެ.
މަހާޒު އިތުރަށް ވިދާޅުވީ، މީހެއްގެ ގަޔަށް ވަޅި ހަރައިފި ނަމަ، އެއީ ދިވެއްސަކަށް ނުވި ނަމަވެސް އިންސާނަކަށް ވީތީ ހިތަށް އަސަރުތަކެއް ކުރާ ކަމަށެވެ. ނަމަވެސް ބަހެއް ބުނާއިރު އެ ބަހުގެ ސަބަބުން އަނެކާއަށް ކުރާނީ ކޮން ކަހަލަ އަސަރެއްތޯ މީހުން ނުބަލާ ކަމަށާއި، އަނެކާގެ އަބުރަށް އަރައިގަނެވޭއިރު، މި އިހުސާސް ނުކުރެވޭ ކަމަށެވެ.
ފަނޑިޔާރު މަހާޒު، ދަސްވެނިންގެ ކިބައިން އެދިވަޑައިގަތީ، އެ މީހުންނަކީ މުޖުތަމައުގެ ތެރޭގައި މިންގަނޑެއް ގެންގުޅޭ، ގޮތެއް ހުންނަ، އަދި ރަނގަޅު އަޚުލާގެއްގެ ވެރި ބަޔަކަށް ވުމަށެވެ. އަދި މުޖުތަމައެއް ބަދަލުކުރެވޭނީ ތިމާގެ އަހުލާގަށް ގެންނަ ބަދަލަކުން ކަމަށް ވެސް މަހާޒު ވިދާޅުވި އެވެ.
Advertisement
This content is created and paid for by advertisers and does not involve Voice Journalists
