ތިލަމާލެ ބްރިޖު މަރާމާތު ކުރުމުގައި އުޅެނިކޮށް ނިޔާވި މީހާގެ މަރުގެ މައްސަލަ ތަޙްޤީގު ކުރަމުން ދާކަމަށް އިމާރާތްކުރުމާއި ބިނާރާ ބެހޭ ވުޒާރާއިން ހާމަ ކުރައްވައިފިއެވެ.

މިއަދު، އިމާރާތްކުރުމާއި ބިނާރާ ބެހޭ ވުޒާރާއިން އެކްސަގއި ކުރެއްވި ޕޯސްޓެއްގަިއ ވިދާޅުވީ، މިދިޔަ ހޯމަދުވަހުގެރޭ (17 ޖޫން 2024), ތިލަމާލެ ބްރިޖު ސައިޓްގައި މަސައްކަތް ކުރަމުންދިޔަ އިންޑިއާގެ ރައްޔިތެއްވަނީ ވަނީ ނިޔާވެފައި ކަމަށެވެ.

އެހެންކަމުން ކޮންޓްރެކްޓަރާއި ކަމާބެހޭ ފަރާތްތަކާއި ގުޅިގެން، އެ ހާދިސާ ދަނީ ތަޙްޤީގުކުރަމުން ކަމަށް އެ ވުޒާރާއިން ވަނީ ބުނެފައެވެ.

Advertisement

މީގެ އިތުރުން، ސިނަމާލެ ބްރިޖު މަރާމާތް ކުރުމުގެ މަސައްކަތުގައި އުޅުނު މީހަކު ނިޔާވި ކަމަށް ބައެއް ނޫސްތަކުގައި ޝާއިއު ކޮށްފައިވާތީ، އެ ޚަބަރުތަކަކީ ސައްޙަ ނޫން ޚަބަރު ތަކެއް ކަމަށްވެސް އިމާރާތްކުރުމާއި ބިނާރާ ބެހޭ ވުޒާރާއިން ވަނީ ބުނެފައެވެ.

އަދި ތިލަމާލެ ބްރިޖު ސައިޓުގައި ނިޔާވި ފަރާތުގެ ޢާއިލާއަށް ވުޒާރާގެ ފަރާތުން ވަނީތަޢުޒިޔާ ރައްދުކުރައްވާފައެވެ.