އައްޑޫ ސިޓީ ކޯގަން ސަހަރާ ކުރިމަތީ ވަލުތެރޭގައި ރޯވި އަލިފާން، އެމްއެންޑީއެފުން ނިއްވާލައިފިއެވެ. 
އެމްއެންޑީއެފުން މައުލޫމާތު ދެއްވި ގޮތުގައި އައްޑޫ ސިޓީ މީދޫ ކޯގަން ސަހަރާ ކުރިމަތީ ވަލުތެރޭގައި ރޯވި އަލިފާން، އެމްއެންޑީއެފް ސަދަން އޭރިއާ ކޮމާންޑް، ހުޅުމީދޫ ފަޔަރ ސްޓޭޝަނުން ހަރަކާތްތެރިވެ ވަނީ ނިއްވާލައިފައެވެ. 

އެމްއެންޑީއެފުން ހާމަ ކުރެއްވި ގޮތުގައިއައްޑޫ ސިޓީ މީދޫ ކޯގަން ސަހަރާ ކުރިމަތީ ވަލުތެރޭގައި ރޯވެގެން ރިޕޯޓުކޮށްފައިވަނީ، މިއަދު 15:26 ހާއިރުއެވެ.

އަދި އެ ރިޕޯޓު ހުޅުމީދޫ ފަޔަރ ސްޓޭޝަނަށް ލިބުމާއެކު، އެ ފަޔަރ ސްޓޭޝަނުގެ ފަޔަރ ފައިޓަރުން ވަނީ އެ ސަރަހައްދަށް ގޮސް އަލިފާން ނިއްވުމުގެ މަސައްކަތް ކޮށްފައެވެ.

Advertisement

އެގޮތުން، ހުޅުމީދޫ ފަޔަރ ސްޓޭޝަނުގެ ފަޔަރ ފައިޓަރުން ކުރި މަސައްކަތުން ވަލުތެރޭގައި ރޯވި އަލިފާން، ހަވީރު 16:10 ހާއިރު ވަނީ ނިއްވާލާފައެވެ. 

މި ހާދިސާގައި އެއްވެސް މީހަކަށް އަނިޔާއެއް ވިކަމުގެ ރިޕޯޓު ލިބިފައި ނުވާ ކަމަށް އެމްއެންޑީއެފުން ބުނެއެވެ.