ރައީސުލްޖުމްހޫރިއްޔާ ޑރ.މުހައްމަދު މުއިއްޒު ފެއްޓެވި ކަންކަން އެ މަނިކުފާނު ބޭނުންފުޅުވާ ގޮތަށް ކުރިޔަށްދާނެ ކަމަށާއި މާލެ ސިޓީ ކައުންސިލުގެ މަސައްކަތްތަކަށް ސަރުކާރުގެ އެއްބާރުލުން ލިބޭ ކަމަށް މާލެ ސިޓީ ކައުންސިލްގެ މޭޔަރު، އާދަމް އާޒިމް ވިދާޅުވެއްޖެއެވެ.
ޕީއެސްއެމްގެ "ރާއްޖެ މިއަދު" ޕްރޮގްރާމުގައި ވާހަކަފުޅު ދައްކަވަމުން އާޒިމް ވިދާޅުވީ، މާލޭ މޭޔަރ ކަމަށް އިންތިޚާބު ކުރެވުނާއިއެކު އޭނާގެ އަމާޒަކަށްވީ ރައީސް މުއިއްޒު ފައްޓަވާފައިވާ ކަންތައްތައް ކުރިޔަށް ގެންދިޔުން ކަމަށެވެ.
"އަޅުގަނޑުގެ އަމާޒަކަށްވީ ރައީސް މުއިއްޒު ފެއްޓެވި މަސައްކަތްތައް، އެގޮތަށް ހަމަ ކުރިޔަށް ގެންދާނީ، އެއީ ހަމަ ކައުންސިލާއި ރައްޔިތުންނަށް ފައިދާ ހުރި ކަންތައްތައް އެ ހުންނަނީ. އެހެންވީމާ އަޅުގަނޑުމެން އޭތި އިމްޕްލިމަންޓް ކުރަމުންދާނީ.
އާދަމް ޢާޒިމް
މިއާއެކު އާޒިމް ވިދާޅުވީ، ވަކި ސަރުކާރަކުން ނުވަތަ ވަކި ބޭފުޅަކު ފެށި މަސައްކަތަކަށް ވުމުން އެ މަސައްކަތް ހުއްޓާާލުމުގެ ސަޤާފަތް ރާއްޖޭގައި ދޫކޮށްލާން ޖެހޭ ކަމަށެވެ. އެހެނީ އެފަދައިން ކަންކަން ހުއްޓާލުމުން ރައްޔިތުންގެ ވަގުތާއި އެތައް ބައިވަރު ފައިސާތަކެއް ގެއްލިގެންދާކަމަށާ، ސިޔާސީ ކޯޅުންގަނޑާ ހުރެ އެކަމަކަށް ރައްޔިތުން ކުރަމުންދާ މިންނެތް މަސައްކަތް ގެއްލި އޭގެ އަސަރު ގިނަ ރައްޔިތުންނަށް ކުރަމުންދާކަން އާޒިމް ފާހަގަކުރެއްވިއެވެ.
"އަޅުގަނޑު ދެކޭ ގޮތުގައި ރައްޔިތުން އަޅުގަނޑުމެން އިންތިހާބުކުރީ ކޯޅޭކަށެއް ނޫން، ރައްޔިތުންނަށް ޚިދުމަތް ކުރަން. އެބަޔަކަށް ހާސިލް ކުރެވޭނީ ހާސިލް ކުރަން އުޅޭ ކަމެއް، ކޯޅެން އުޅޭ ބަޔަކަށް ކޯޅެވޭނީ، ޚިދުމަތް ކުރަން އުޅޭ ބަޔަކަށް ޚިދުމަތް ކުރެވޭނީ. އެހެންވީމާ އަޅުގަނޑުމެންގެ އަމާޒަކީ ޚިދުމަތްކޮށްދިނުންް." އާޒިމް ވިދާޅުވިއެވެ.
މީގެ އިތުރުން އާޒިމް ވަނީ ސިޓީ ކައުންސިލުން ކުރަމުންދާ މަސައްކަތް ތަކަށް ސަރުކާރެ އެއްބާރުލުން ލޮބޭކަން ފާހަގަކުރައްވައި ގުޅިގެން މަސައްކަތް ކުރައއވާނެ ކަމަށް ވިދާޅުވެފައެވެ.
އަޅުގަނޑަށް މިވަގުތު ދަތިތަކެއްނެތް ސަރުކާރާއި ގުޅިގެން މަސައްކަތް ކުރުމުގެ. އެކަމަކު އެބަހުރި މާލެ ސިޓީ ކައުންސިލްގެ ބައެއް މެންޑޭޓް ތަކަށް ސަރުކާރުން ހުރަސް އަޅާފައި. މިސާލަކަށް ހުޅުމާލޭގެ މައްސަލަ. އެކަމަކު ސަރުކާރުގެވެސް އެބަ އޮތް ރަނގަޅު ނިޔަތް. ހުޅުމާލެ، މާލެ ސިޓީ ކައުންސިލްގެ ދަށަށް ގެންނަން. އަލުގަނޑުގެ ފަރާތުން ފެންނާނީ ގުޅިގެން މަސައްކަތް ކިރާތަން. މިހާތަނަށް ސަރުކާރުންވެސް ވަރަށް ގުޅިގެން މަސައްކަތް ކުރަނީ
އާދަމް އާޒިމް
Advertisement
This content is created and paid for by advertisers and does not involve Voice Journalists
