ޕީޕަލްސް ނެޝަނަލް ކޮންގްރެސް (ޕީއެންސީ) އާ އަލަށް ގުޅުނު މެންބަރުންގެ ފޯމުތަކާ ރައީސް ޑރ.މުޙައްމަދު މުޢިއްޒު ހަވާލުވެވަޑައިގެންފިއެވެ.
ޕީއެންސީއަށް އަލަށް ގުޅުނު މެންބަރުންގެ ފޯމުތަކާ ރައީސް ޑރ. މުޢިއްޒު ހަވާލުވެވަޑައިގެންފައިވަނީ، ޕީއެންސީގެ މައި ޖަގަހަ (ޕީއެންސީ ހައުސް) ހުޅުވުމަށް މިރޭ ބޭއްވި ޖަލްސާގައެވެ. މި ޖަލްސާގައި ވަރަށް ގިނަ މީހުން ވަނީ ޕީއެންސީއާ ގުޅުމަށް މެންބަޝިޕް ފޯމު ހަވާލުކޮށްފައެވެ.
އެގޮތުން، މިރޭ ޕީއެންސީއާ އަލަށް ގުޅުނު މެންބަރުންގެ ތެރޭގައި އައްނަބީލާ ހަބީބާ ހުސެއިން ހަބީބްގެ ދޮށީ އަންހެން ދަރިކަނބަލުން ޝަފިއްޔާ ޒުބޭރާއި, 18 ވަނަ މަޖިލީހުގައި އެމްޑީޕީގެ މެންބަރެއްގެ ގޮތުގައި ހުންނެވި މުހައްމަދު ނާޒިމާއި, ކަސްރަތާއި ބެހޭގޮތުން މައުލޫމާތު ފޯރުކޮށްދިނުމުގައި ގިނަ ދުވަސްތަކެއް ވަންދެން މަސައްކަތް ކުރައްވާފައިވާ މުހައްމަދު ހާނިމް ގެ އިތުރުން މުނިފޫހި ފިލުވުމުގެ ދާއިރާގައި 18 އަހަރު ހިދުމަތް ކުރައްވަމުން ގެއްދަވާ އުމަރު ޒާހިރު ހިމެނި ވަޑައިގަންނަވައެވެ.
މީގެ އިތުރުން އަބްދުﷲ ވަހީދާއި، މުހައްމަދު އަބްދުﷲ، ޝައްމޫން މުހައްމަ، ދުޝިފާ ޝަފީޤް، ސައުދުﷲ އަލީ، ޝިޔާން ޝަފީޤް، މުހައްމަދު ޝަހުނީމް އަދި މުހައްމަދު ޖުނައިދުގެ ފޯމުވެސް މިރޭ ވަނީ ރައީސް މުޢިއްޒުއާ ހަވާލުކޮށްފައެވެ.
Advertisement
This content is created and paid for by advertisers and does not involve Voice Journalists
