މިނިސްޓްރީ އޮފް ޓްރާންސްޕޯޓް އެންޑް ސިވިލް އޭވިއޭޝަނުން ހިންގުމަށް ހުށަހަޅުއްވާފައިވާ "މާލެ ފަހި ޕްރޮގްރާމް" ވަޒީރުންގެ މަޖިލީހުގެ ލަފާފުޅުތަކާއި އެއްގޮތަށް ތަންފީޒުކުރެއްވުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ނިންމަވައިފިއެވެ.
ގްރޭޓަރ މާލެ ސަރަހައްދުގައި، މަގުމަތީގައި ދުއްވާ އުޅަނދުތައް ގިނަވުމުގެ ސަބަބުން ދިމާވެފައިވާ ތޮއްޖެހުމުގެ މައްސަލައަށް ހައްލެއްހޯދުމަށް ޓްރާންސްޕޯޓް މިނިސްޓްރީގެ އިސްނެންގެވުމުގެ މަތީން ވަޒީރުންގެ މަޖިލީހަށް ހުށަހެޅުނު މި ކަރުދާހަށް މަޝްވަރާކުރެވި ގޮތް ނިންމުނީ އިއްޔެ ބޭއްވުނު ވަޒީރުންގެ މަޖިލީހުގެ ޖަލްސާގައެވެ.
އަދި ީގެ އިތުރުން އިއްޔެގެ ބައްދަލުވުމުގައި ރައީސުލްޖުމްހޫރިއްޔާ ވަނީ "މާލެ ފަހި ޕްރޮގްރާމް" އާއި ގުޅޭގޮތުން ކަމާ ބެހޭ އިދާރާތަކުގެ މެދުގައި ޓައިމްލައިންތައް ހިމެނޭގޮތަށް އެކްޝަން ޕްލޭންއެއް އެކުލަވާލައިގެން މި ޕްރޮގްރާމް ކުރިއަށްގެންދިއުމަށް ނިންމަވާފައެވެ.
މާލޭގެ މަގުތައް ތޮއްޖެހުމުގެ މައްސަލައަކީ އަދުގެ ސަރުކާރުން ވަރަށް ބޮޑު އިސްކަމެއް ދެއްވައިގެން ހައްލުކުރުމަށް މަސައްކަތްކުރައްވަމުންގެންދަވާ މައްސަލައެކެވެ.
Advertisement
This content is created and paid for by advertisers and does not involve Voice Journalists
