ހައްދުފަހަނައަޅާފައިވާ އިސްރާއީލު އުތުރުގައި އޮންނަ ބަނދަރެއް ކަމަށްވާ ހައިފާގައި ބަނދަރުކޮށްފައިވާ ހަތަރު ބޯޓަކަށް އަމާޒުކޮށް ޔަމަނުގެ ހޫތީން ހަމަލާތަކެއް ދީފިއެވެ.
ހޫތީން ބުނީ ޑްރޯން ބޭނުންކޮށްގެން ދިން ހަމަލާތައް އަމާޒުކޮށްފައިވަނީ ހައިފާގައި ބަނދަރުކޮށްފައި އޮތް ސިމެންތި އުފުލާ 2 ޓޭންކަރަކަށާއި، 2 ކާގޯ ބޯޓަކަށް ކަމަށެވެ.
ހޫތީން ގެ ތަރުޖަމާނު ޔަހްޔާ ސާރީ ވިދާޅުވީ، މި ހަމަލާތަކުގެ އިތުރުންވެސް، މެޑިޓެރޭނިއަން ކަނޑު ހުރަސްކޮށް އިސްރާއީލަށް ދިޔުމަށް ދަތުރުކުރަމުންދިޔަ އެހެން އުޅަނދަކަށް ވެސް ހަމަލާދީފައިވާ ކަމަށެވެ. ސާރީ ވިދާޅުވީ، މި ދެ އޮޕަރޭޝަން ވެސް ކާމިޔާބު ކަމަށާއި، ހަމަލާތައް އަމާޒަށް ވާސިލްވެފައިވާ ކަމަށެވެ.
މިދިޔަ އަހަރުގެ އޮކްޓޫބަރު މަހުގެ 7 ވަނަ ދުވަހުން ފެށިގެން ޣައްޒާގެ މުސްލިމުންނާއި މެދު ޔަހޫދީން ހިންގަމުންދާ އުދުވާނާއި ދެކޮޅުކަން ހާމަކުރުމަށްޓަކައި އިސްރާއިލަށް ދަތުރުކުރާ ބޯޓުތަކަށް އަމާޒުކޮށް ހޫތީން ހަމަލާދޭން ފެށީ މިދިޔަ އަހަރުގެ ނޮވެންބަރު މަހުގެ ތެރޭގައެވެ.
ހަމަލާތަކުގައި މިހާތަނަށް ހޫތީން ވަނީ 2 ބޯޓެއް އެއްކޮށް ހަލާކުކޮށްލައި، 1 ބޯޓު އެމީހުންގެ ބެލުމުގެ ދަށަށް ގެނެސްފައެވެ. ހޫތީންގެ މި ހަމަލާތަކުގެ ބޭނުމަކީ ޣައްޒާގެ މުސްލިމުންނާ ދެކޮޅަށް ޔަހޫދީން ހިންގަމުންދާ ލާއިންސާނީ ގަތުލުއާންމު ހުއްޓައިލަން ބާރު އެޅުމެވެ.
Advertisement
This content is created and paid for by advertisers and does not involve Voice Journalists
