Advertisement
ފުޓްބޯޅަ ތަރި އާރިފްގެ އާއިލާއަށް ރައީސް ޑރ.މުޢިއްޒުގެ ތަޢުޒިޔާ
ދިވެހިރާއްޖޭގެ ޤައުމީ ފުޓްބޯޅަ ޓީމުގެ ކުރީގެ ތަރި މުޙައްމަދު އާރިފް (ބަކާ) ނިޔާވުމުން، ރައީސުލްޖުމްހޫރިއްޔާ ޑރ.މުޢިއްޒު ތަޢުޒިޔާ ވިދާޅުވެއްޖެއެވެ.
ކުއްލިއަކަށް ޙާލު ގޯސްވެ އައިސީޔޫގައި ފަރުވާދެމުން ދަނިކޮށް ބަކާ ނިޔާވެފައިވަނީ މިއަދުއެވެ.
މިކަމާ ގުޅިގެން ރައީސް ޑރ. މުޙައްމަދު މުޢިއްޒު އެކްސްގައި ކުރެއްވި ޕޯސްޓެއްގައި ވިދާޅުވީ ބަކާ ނިޔާވުމަކީ ލިބުނު ފުން ހިތާމައެއް ކަމަށެވެ.
Advertisement
"ދިވެހިރާއްޖޭގައި ކުޅިވަރު ކުރިއެރުވުމަށް ވަކީން ޚާއްޞަކޮށް ފުޓްބޯޅައަށް ގިނަގުނަ ޚިދުމަތްތަކެއް ކޮށްދެއްވައި، ޤައުމަށް ފަޚްރުވެރި ނަން ހޯއްދަވައިދެއްވާފައިވާ ހުނަރުވެރި ކުޅުންތެރިޔާ މުޙައްމަދު ޢާރިފް (ބަކާ) ނިޔާވުމަކީ ދިވެހި ހުރިހާ ރައްޔިތުންނަށް ލިބުނު ފުން ހިތާމައެކެވެ."
ރައީސް ޑރ.މުޢިއްޒު އެކްސްގައި ކުރެއްވި ޕޯސްޓުގައި ވިދާޅުވިއެވެ.
ރައީސް ޑރ.މުޢިއްޒު އިތުރަށް ވިދާޅުވީ، މި ހިތާމަވެރި ވަގުތު މަރްޙޫމް މުޙައްމަދު ޢާރިފްގެ ޢާއިލާއަށް ކެތްތެރިކަން ދެއްވުން އެދޭ ކަމަށާއި އަދި މަރްޙޫމް މުޙައްމަދު ޢާރިފަށް ސުވަރުގޭގެ ދާއިމީ ނިޢުމަތް ދެއްވައި، ކީރިތިﷲގެ ނިޢުމަތާ ރަޙްމަތުގައި ލެހެއްޓެވުން އެދި ދުޢާކުރައްވާ ކަމަށެވެ.
Advertisement
Advertisement
Advertisement
This content is created and paid for by advertisers and does not involve Voice Journalists
Advertisement
