ޙައްޖު ކޯޕަރޭޝަނުގެ ހަވާލުގައި ޙައްޖަށް ދިޔަ ހުރިހާ ޙައްޖުވެރިންވެސް ޓްރެވެލް ވެކްސިންތައް ވަނީ ޖަހާފައި ކަމަށް ޙައްޖު ކޯޕަރޭޝަނުން ބުނެފިއެވެ. 

ޙައްޖު ކޯޕަރޭޝަނުން  މިއަދު ނެރުނު ބަޔާނެއްގައި ބުނެފައިވަނީ، މޯލްޑިވްސް ޙައްޖު ކޯޕަރޭޝަންގެ ޙަވާލުގައި 1445 ވަނަ އަހަރު ޙައްޖުގެ މާތް އަޅުކަން އަދާކުރަން ސަޢުދީ ޢަރަބިއްޔާ އަށް ދަތުރުކުރި ހުރިހާ ޙައްޖުވެރިން ވެސް ވަނީ ސަޢުދީ ޙައްޖު މިނިސްޓްރީގެ ގައިޑްލައިންތަކާ އެއްގޮތަށް، ފުރުމުގެ ކުރިން ފުރިހަމަ ކުރަންޖެހޭ ޓްރެވެލް ވެކްސިންތައް ޖަހާފައިވާ ކަމަށެވެ. 

އެގޮތުން ޖަހަން ޖެހޭ ވެކްސިންތައް ކަމުގައިވާ ޕޯލިއޯ، މެނިންގޖައިޓިސް އަދި އިންފުލުއެންޒާ ވެކްސިން ހުރިހާ ޙައްޖުވެރިންވެސް ފުރިހަމަ ކޮށްފައިވާ ކަމަށް ޙައްޖު ކޯޕަރޭޝަނުގެ ބަޔާނުގައި ވެއެވެ.

Advertisement

މީގެ އިތުރުން ޙައްޖުވެރިންގެ ސަލާމަތާއި ރައްކާތެރިކަމަކީ މޯލްޑިސް ޙައްޖު ކޯޕަރޭޝަންގެ މެނޭޖްމަންޓުން އެންމެ ޚާއްސަ ސަމާލުކަމެއް ދޭ ކަންތައް ކަންވެސް އެ ކޯޕަރޭޝަނުން ވަނީ ފާހަގަ ކުރައްވާފައެވެ.