މަސްތުވާތަކެއްޗާއި ދެކޮޅަށް ފުލުހުންކުރަމުންދާ މަސައްކަތަށް ހުރަސްއެޅި ނަމަވެސް، އެ ވަބާއިން ގައުމު ސަލާމަތް ކުރުމަށް ފުލުހުންނަށް ކުރެވެން ހުރި ހުރިހާ ކަމެއް ކުރާނެ ކަމަށް ފުލުހުންގެ އިސް ތަރުޖަމާނު އަހުމަދު ޝިފާން ވިދާޅުވެއްޖެއެވެ.
ޝިފާން މިހެން ވިދާޅުވެފައިވަނީ، މަސްތުވާތަކެއްޗާއި ދެކޮޅަށް ފުލުހުންކުރަމުންދާ މަސައްކަތުގައި ރޭ، ފުވައްމުލަކުގައި ހިންގުނު އޮޕަރޭޝަނަކާއި ދެކޮޅަށް އެކަން ހުއްޓުވުމަށާއި ކުށްކުރުމަށް ހިތްވަރުދިނުމުގެ މަޤްޞަދުގައި ބަޔަކު މަސައްކަތްކުރުމާއި ގުޅިގެންނެވެ.
އެގޮތުން، ހިންގި ހަމަނުޖެހުން ޙައްލުކުރުމަށް 4 މީހަކު ފުލުހުންގެ ބަންދަށް ގެނެވުނު ކަމަށް ޝިފާން ވިދާޅުވިއެވެ.
މީގެ އިތުރުން ޝިފާން ވަނީ، އަސްލާއި ޚިލާފަށް މި އޮޕަރޭޝަންގެ މަޢުލޫމާތު ބައެއް މަދު މީޑިއާތަކުން ގެނަަސްދީފައިވާކަން ފާހަގަކުރައްވާފައެވެ.
“ދިވެހި ފުލުހުން މަސްތުވާތަކެތީގެ ވަބާއިން މިޤައުމު ސަލާމަތްކުރަން ކުރަންޖެހުނު ހުރިހާ މަސައްކަތެއް ސާބިތުކަމާއިއެކު ކުރާނެ ވާހަކަ ދަންނަވަން.” ޝިފާން ވިދާޅުވިއެވެ.
Advertisement
This content is created and paid for by advertisers and does not involve Voice Journalists
