މޯލްޑިވްސް އިންޑަސްޓްރިއަލް ފިޝަރީޒް ކޮމްޕެނީ (މިފްކޯ)އިން މަސް ގަންނަ އަގު ބަދަލުކުރަން ނިންމައިފިއެވެ. 

މިފްކޯއިން ނެރުނު ނޫސްބަޔާނެއްގައި ބުނެފައިވަނީ، އެ ކުންފުންޏަށް ދިމާވެފައިވާ މާލީ ގޮންޖެހުންތަކަށް ހައްލު ހޯދުމަށާއި މަސްވެރިންގެ އަތުން ގަންނަ މަހަށް ދޭންޖެހޭ ފައިސާ ގަވާއިދުން ދެވޭނެ އިންތިޒާމެއް ހަމަޖެއްސުމަށްޓަކައިމާދަމާއިން ފެށިގެން, މިފްކޯއިން މަސް ގަންނަ އަގު ކޮންމެ ހަފުތާއަކު މުރާޖާ ކުރުމަށް ނިންމާފައިވާ ކަމަށެވެ.

އެގޮތުން، މާދަމާއިން ފެށިގެން މިފްކޯއިން މަސްވެރިން އަތުން މަސްގަންނަމުންދާނީ ބައިނަލްއަގުވާމީ ބާޒާރުގައި ގަނޑުކުރި ކަޅުބިލަމަހުގެ އަގު ހުރި މިންވަރަށާއި މަސް ގަނެ އެކްސްޕޯޓު ކުރުމަށް ހިނގާނޭ ޚަރަދުތަކަށް ބަލައި ކޮންމެ ހަފުތާއަކު ކަނޑައަޅާ އަގެއްގައި ކަމަށް މިފްކޯއިން ބުނެއެވެ. އަދި މި އަގު ކޮންމެ ހަފްތާއަކު އާންމުކޮށް މިފްކޯއިން އިއުލާން ކުރަމުން ގެންދާނެ ކަމަށްވެސް މިފްކޯގެ ބަޔާނުގައި ވެއެވެ.

Advertisement

މީގެ އިތުރުން، މިފްކޯއިން ވަނީ އެ ކުންފުނީގެ އުފެއްދުންތެރިކަން އިތުރުކޮށް، އާމްދަނީ އިތުރުކުރެވޭނެ އިތުރުގޮތް ގޮތް ބަލައި، މި ނޫންވެސް ޚަރަދުތައް ކުޑަކުރުމަށް ހަރުދަނާ ފިޔަވަޅުތައް ސަރުކާރުގެ ކަމާއި ގުޅޭ ވުޒާރާތަކާއި ގުޅިގެން އަޅަމުންދާނެ ކަން ހާމަ ކޮށްފައެވެ.