ޗަމްޕާ ބްރަދާސްއިން މިއަދު ތިން ރަށެއްގެ ހޮސްޕިޓަލަށް ބޭނުންވާ ފިޒިއޯތެރަޕީ ސާމާނު ހަދިޔާކޮށްފިއެވެ. މި ތަކެތި ހަދިޔާކުރެވުނީ ހއ. ހޯރަފުށި، ޅ. ހިންނަވަރު އަދި ޅ. ކުރެންދޫއަށެވެ.

ޗަމްޕާ ސެންޓްރަލްގައި ބޭއްވުނު ހަފްލާއެއްގައި މި ތަކެތި ހަވާލުކޮށްދެއްވީ ޗަމްޕާ ބްރަދާސްގެ އެއް ހިއްސާދާރު މުޙައްމަދު މޫސާ (އުއްޗު) ގެ ދަރިކަނބަލުން ސާރާ މޫސާއެވެ. މި ސާމާނުތަކާ ހަވާލުވެވަޑައިގަތީ އެ ތިން ރަށުގެ ދާއިރާގެ މަޖިލިސް މެންބަރުންނެވެ.

މި ރަސްމިއްޔާތުގައި ވާހަކަފުޅު ދައްކަވަމުން ހެލްތު މިނިސްޓަރު ޑރ. ޢަބްދުﷲ ޚަލީލް ވިދާޅުވީ، މި ފިޒިއޯތެރަޕީ ސާމާނުގެ ސަބަބުން އެ ރަށްރަށުގެ ރައްޔިތުންނަށް ވަރަށް ބޮޑު ފަސޭހަތަކެއް ލިބޭނެ ކަމަށެވެ. އަދި އެ ތަކެތި ހަވާލުކޮށްދެއްވާފައިވާތީ އުއްޗުއަށް ޚާއްޞަ ޝުކުރެއް ދަންނަވާފައިވެއެވެ.

Advertisement

ޗަމްޕާ ބްރަދާސްއިން ތިން ރަށަކަށް ފިޒިއޯތެރަޕީ ސާމާނު ހަދިޔާކުރުން

ޑރ.ޚަލީލް އިތުރަށް ވިދާޅުވީ ޞިއްޙީ ދާއިރާ ކުރިއަރައިގެން ދިއުމަކީ އެކަމުގެ އުފާވެރިކަން ރާއްޖޭގެ ކޮންމެ ރައްޔިތަކަށް ވެސް ލިބޭނެ ކަމެއް ކަމަށެވެ. އަދި ރައީސް ޑރ. މުޙައްމަދު މުޢިއްޒުގެ އެންމެ މުހިންމު އެއް ސިޔާސަތަކީ ރާއްޖޭގައި ޕްރައިމަރީ ހެލްތު ކެއަރ ނިޒާމު ވަރުގަދަކުރުން ކަންވެސް ޑރ.ޚަލީލް ފާހަގަ ކުރެއްވިއެވެ.