ހުޅުމާލޭގައި ދެ ސައިކަލު ޖެހި ނުރައްކާތެރި އެކްސިޑެންޓެއް ހިނގައި ދެ މީހަކަށް އަނިޔާވެއްޖެއެވެ.
ފުލުހުން ބުނީ، ހުޅުމާލެ ފޭސް 2 ގެ އާހިޔާގޮފި ކައިރީގައި ދެ ސައިކަލު ޖެހި އެކްސިޑެންޓެއް ހިނގައިފައިވާ ކަމަށް މިއަދު ހެނދުނު 9:45 ގައި ރިޕޯޓް ކޮށްފައިވާ ކަމަށެވެ.
މި އެކްސިޑެންޓުގައި ސައިކަލު ދުއްވި ދެ މީހުންނަށް އަނިޔާވެ، މިވަގުތު ހުޅުމާލެ ހޮސްޕިޓަލުގައި ފަރުވާދެމުންދާ ކަމަށްވެސް ބުންޏެވެ.
ފުލުހުން މައުލޫމާތު ދޭ ގޮތުގައި، މި އެކްސިޑެންޓުގައި ހިމެނޭ އެއް ސައިކަލު ދުއްވީ 21 އަހަރުގެ ދިވެހި ފިރިހެނެކެވެ. އޭނާއަކީ ސައިކަލު ދުއްވުމުގެ ލައިސަންސް ނެތް މީހެކެވެ.
އަދި އަނެއް ސައިކަލު ދުއްވާފައިވަނީ 33 އަހަރުގެ ދިވެހި އަންހެނެއް ކަމަށާ އޭނާއަކީ ސައިކަލު ދުއްވުމުގެ ލައިސަންސް އޮންނަ މީހެއް ކަމަށް ބުންޏެވެ.
މި މައްސަލައާ ގުޅިގެން ފުލުހުން ދަނީ އިތުރު ތަޙުޤީޤުތައް ކުރަމުންނެވެ.
އެކްސިޑެންޓު ހިނގި ސަބަބާއި، ދެ މީހުންނަށް ލިބުނު އަނިޔާގެ ތަފްސީލު އަދި ހާމަކޮށްފައެއް ނުވެއެވެ.
Advertisement
This content is created and paid for by advertisers and does not involve Voice Journalists
