ރައީސް ޑރ.މުޢިއްޒު ސެންޓަރ ފޮރ ހަޔަރ އެޑިއުކޭޝަން (ސީއެޗްއެސްއީ) އަށް، ވަޑައިގަތުމުން އެ ސުކޫލުން ހޫނު މަރުހަބާއެއް ކިޔައިފިއެވެ.
ސީއެޗްއެސްއީއަށް 45 އަހަރު ފުރުމުގެ މުނާސަބަތުގައި ބޭޢްވި، ޚާއްސަ އެސެމްބްލީގައި ބައިވެރިވެވަޑައިގަތުމަށް ރައީސް ޑރ.މުޢިއްޒު މިއަދު ހުޅުމާލޭގައި ހުންނަ ސީއެޗްއެސްއީ އަށް ވަޑައިގެންނެވިއިރު ދަރިވަރުން ތިބީ އެމަނިކުފާނަށް ރަތް ދޫލައިގެ ހާއްސަ މަރުހަބާއެއް ކިޔުމަށް ތައްޔާރަށެވެ.
އެގޮތުން ދަރިވަރުން ތިބީ ރައީސް ޑރ.މުއިއްޒު އެ ސްކޫލްގައި ކިޔެވި ދުވަސްވަރުގެ އިންޑެކްސް ނަންބަރާއި ކްލާސް އަދި ނަންފުޅު ޖަހާފައިވާ ބެނާއެއް ތައްޔާރުކޮށް އެ ބެނާ ހިފައިގެންނެވެ. އަދި އެ ބެނާގައި "ވެލްކަމް ބެކް" ނުވަތަ އެނބުރި އައުމުން މަރުހަބާ ދަންނަވާ ކަމަށްވެސް ލިޔެފައި ވެއެވެ.
ރައީސް ޑރ.މުޢިއްޒަކީ 1995 އިން 1997 ސީއެޗްއެސްއީއިން ތައުލީމު ހާސިލް ކުރެއްވި ބޭފުޅެކެވެ. އެމަނިކުފާނު ވަނީ ޤައުމީ ގަދަ 10 ގައިވެސް ހިމެނިވަޑައިގެންފައެވެ. މިއަދު ރައީސް ޑރ.މުއިއްޒު ސީއެޗްއެސްއީއަށް އަލުން ވަޑައިގަތީ 27 އަހަރު ފަހުންނެވެ.
ސީއެޗްއެސްއީގެ އަހަރީ ދުވަހުގެ ޚާއްސަ އެސެމްބްލީގައި އެ ސްކޫލްގެ އިސްދަރިވަރެއްގެ ހައިިސިއްޔަތުން ބައިވެރިވެވަޑައިގެން ވާހަކަ ދައްކަވަމުން އެ މަނިކުފާނު ވިދާޅުވީ ދަރިވަރުން ގާތަށް ވަޑައިގެން ބައްދަލުކޮށްލެވުމުގެ ފުރުސަތު ލިބިވަޑައިގަތުމުން ވަރަށް އުފާ ކުރައްވާ ކަމަށެވެ.
Advertisement
This content is created and paid for by advertisers and does not involve Voice Journalists
