ބިދޭސީން މަސައްކަތްކުރުން މަނާ 25 ދާއިރާއެއް، އިކޮނޮމިކް މިނިސްޓްރީން ކަނޑައަޅައިފި އެވެ.

އިކޮނޮމިކް މިނިސްޓްރީން މިއަދު ގެޒެޓްކުރި އިއުލާންގައިވާގޮތުން އާންމުކޮށް ދިވެހިން ކޮށް އުޅޭ އެއްވެސް ވިޔަފާރިއެއް ކުރުމަކީ ބިދޭސީ މަސައްކަތްތެރިންނަށް މަނާ ކަމެކެވެ.

މިގޮތުން ބިދޭސީން ކުރުން މަނާ ވިޔަފާރިކަމަށް ކަނޑައަޅާ އިކޮނޮމިކް މިނިސްޓްރީއިން އިޢުލާން ކޮށްފައިވާ ވިޔަފާރި ތަކަކީ:

1) ރީޓެއިލް ޓްރޭޑް (އޮންލައިން ވިޔަފާރިވެސް ހިމެނޭގޮތަށް)2

2) ހޯލްސޭލް ޓްރޭޑް – އިމާރާތް ކުރުމަށް ބޭނުންވާ މުދާ ފިޔަވައި

3) ޑޮމެސްޓިކް ލޮޖިސްޓިކްސްގެ މަސައްކަތް

4) ޕޯސްޓަލް އަދި ކުރިއަރ ސަރވިސަސް

5) ކާބޯތަކެތި ވިއްކުމުގެ ހިދުމަތްތައް (ކެފޭ، ރެސްޓޯރަންޓް އަދި ބޭކަރީ ހިންގުން)

6) ތަކެތި ކުއްޔަށްދިނުމުގެ ވިޔަފާރިތައް (އިމާރާތްކުރުމަށް ބޭނުންކުރާ ބޮޑެތި މެޝިނަރީ ފަދަ ތަކެތި ހިމެނޭ ގޮތަށް)

7) އެމްޕްލޯއިމަންޓް އޭޖަންސީ އަދި ވަޒީފާތަކަށް މީހުން ހޯދުމުގެ ޙިދުމަތްތައް

8) ޓްރެވަލް އޭޖަންސީ، ޓުއަރ އޮޕަރޭޓަރސް، ރިޒަވޭޝަން އަދި މިކަމާ ގުޅުން ހުރި އެހެނިހެން މަސައްކަތްތައް

9) ލޭންޑްސްކޭޕިންގ މަސައްކަތް

10) ޕަބްލިކް އެޑްމިނިސްޓްރޭޝަން އަދި ޤައުމުގެ ދިފާއީ ބާރުތަކާއި ގުޅުންހުރި މަސައްކަތްތައް

11) ޖެނެރަލް ޓިއުޝަން ކްލާސް އަދި ޤުރުއާން ކްލާސް ހިންގުން

12) ޖެނެރަލް ކްލިނިކް ހިންގުމުގެ މަސައްކަތް

13) ކޮމްޕިއުޓަރު، އާންމު މުދާ އަދި ގޭތެރޭގައި ބޭނުންކުރާ މުދާ މަރާމާތު ކުރުމުގެ މަސައްކަތް

14) ޕްރޮގްރާމިންގ އަދި ބްރޯޑްކާސްޓިންގ މަސައްކަތް

15) ޤާނޫނީ ވަކީލުންގެ ހިދުމަތްތައް

16) ފޮޓޯގްރަފީ އަދި ވީޑިއޯގްރަފީގެ މަސައްކަތް

17) ޕިކްނިކް އައިލެންޑް ތަރައްޤީކުރުމާއި ހިންގުން

18) ވިޔަފާރި އުސޫލުން އެއްގަމު އުޅަނދު ދުއްވުން

19) ސުވެނިއަރ އަދި އަތްތެރި މަސައްކަތުން ތަކެތި އުފައްދައި ވިއްކުން

20) ރަބަރު އަދި ޕްލާސްޓިކް ތަކެތި އުފެއްދުން

21) ދުންފަތުގެ އިސްތިއުމާލު ކުރުމުގެ ތަކެތި އުފެއްދުމާއި ވިއްކުން

22) ލަކުޑިން ތަކެތި އުފެއްދުން (ފަރުނީޗަރު ފިޔަވައި)

23) މައިނިންގ އެންޑް ކޮރީންގް ގެ މަސައްކަތް

24) މައިނިންގ އޮފް ސޭންޑް

25) ފޮރެސްޓްރީ

އިކޮނޮމިކް މިނިސްޓްރީން ބިދޭސީންނަށް މަސައްކަތްކުރުން މަނާ ވިޔަފާރިތައް ކަނޑައަޅައިފައިވާއިރު، އިމިގްރޭޝަނާއި ފުލުހުން ގުޅިގެން ދަނީ ގަވާއިދާ ޚިލާފަށް ވިޔަފާރިކުރާ ބިދޭސީން ހައްޔަރުކުރުމުގެ އޮޕަރޭޝަންތަކެއް ކުރަމުންނެވެ.

އެގޮތުން، މިދިޔަ ހޮނިހިރު ދުވަހު ކުރިއަށްގެންދިޔަ އޮޕަރޭޝަނެއްގައި 83 ބިދޭސީއަކު އިމިގްރޭޝަންގެ ބެލުމުގެ ދަށަށް ގެނެސް، އެމީހުން ޑިޕޯޓްކުރުމުގެ މަސައްކަތް ވަނީ ފަށައިފައެވެ. މީގެއިތުރުން، އިއްޔެ ވަނީ ގަވާއިދާ ޚިލާފަށް ޑޮލަރުގެ ވިޔަފާރިކުރަމުންދިޔަ ބިދޭސީންތަކެއްވެސް ހައްޔަރުކޮށްފައެވެ.