މާލޭގައި މިއަދު ހިނގި އަލިފާނުގެ ހާދިސާއެއް ހިނގި އެޕާޓްމަންޓަށް ދިރިނޫޅެވޭ ވަރަށް ގެއްލުންވެ، އެ އެޕާޓްމަންޓްގައި ދިރިއުޅެމުންދިޔަ ހަތަރު މީހަކަށް ވަގުތީ ބޯހިޔާވަހިކަން ފޯރުކޮށްދީފިއެވެ.
ނެޝަނަލް ޑިޒާސްޓަރ މެނޭޖްމަންޓް ސެންޓަރ ގެ ޗީފް އެގްޒެކެޓިވް، ހިސާން ހަސަން ހާމަކުރެއްވި ގޮތުގައި، އަލިފާނުގެ ހާދިސާއާއި ގުޅިގެން ހަތަރު މީހަކަށް ފަނަރަ ދުވަހުގެ މުއްދަތަށް ވަނީ ބޯހިޔާވަހިކަން ފޯރުކޮށްދީފައެވެ.
މ. ފްލޫނިއާ މަގުގައި ހުންނަ މ. އެންޒިއަންގައި މިއަދު އަލިފާނުގެ ހާދިސާއެއް ހިނގާފައިވަނީ މެންދުރު 13:45 ހާއިރުގައެވެ. މި ހާދިސާ ހިނގުމުން ސަލާމަތީ ޚިދުމަތްތަކުން ވަނީ އެ ސަރަހައްދަށްގޮސް އެ އެޕާޓްމަންޓްގައި ހިނގި އަލިފާން ނިއްވާލާފައެވެ.
މި ހާދިސާއާއި ގުޅޭގޮތުން މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް)އިން ބުނެފައިވަނީ އެ ހާދިސާ ހިނގި ފަންގިފިލާގައި ހުރި ގިނަ އަދަދެއްގެ ތަކެތި ބޭނުން ނުކުރެވޭ ވަރަށް ހަލާކުވެފައިވާކަމަށާއި، އަދި އެ ހާދިސާގައި ދުމުގެ އަސަރުކޮށްގެން ހަތަރު މީހަކު ހޮސްޕިޓަލަށް ގެންދެވުނު ކަމަށެވެ.
Advertisement
This content is created and paid for by advertisers and does not involve Voice Journalists
