ދެކުނު ކޮރެއާ ސަރުކާރުން ރާއްޖެއަށް 98،000 ޑޮލަރުގެ އެކްސްރޭ މެޝިނެއް ހަދިޔާކޮށްފިއެވެ.
ކޮރެއަން އިންޓަނޭޝަނަލް ކޯޕަރޭޝަން އެޖެންސީ ( ކޮއިކާ ) އިން ރާއްޖެއަށް ހަދިޔާކޮށްފައިވަނީ ޕޯރަޞްލް އެކްސްރޭ މެޝިނެކެވެ.
ހެލްތް މިނިސްޓްރީގައި މިކަމަށްޓަކައި ބޭއްވި ރަސްމިއްޔާތެއްގައި މިނިސްޓްރީގެ ފަރާތުން އެކްސްރޭ މެޝިން ޙަވާލުކުރުމުގެ އެއްބަސްވުމުގައި ސޮއިކުރެއްވީ ސްޓޭޓް މިނިސްޓަރ ޚަދީޖާ އަބުދުލްޞަމަދު އަބުދުﷲ އެވެ. ކޮރެއާ ސަރުކާރުގެ ފަރާތުން މެޝިން ޙަވާކުރުމުގެ އެއްބަސްވުމުގައި ސޮއިކުރެއްވީ ކޮރެއާއިންރާއްޖެއަށް ކަނޑައަޅުއްވާފައި ހުންނަވާ އެމްބެސެޑަރ ހަރ އެކްސެލެންސީ މިޔޯން ލީ އެވެ.
މީގެ އިތުރުންވެސް މި ރަސްމިއްޔާތުގައި ހެލްތު މިނިސްޓްރީގެ އިސްވެރިންނާއި ފޮރިން މިނިސްޓްރީގެ ސްކެޓްރީ އޮފް އިކޮނޮމިކް ކޯޕަރޭޝަން ޑރ. ހުސެއިން ނިޔާޒުވެސް ވަނީ ބައިވެރިވެވަޑައިގަންނަވާފައެވެ.
ހެލްތު މިނިސްޓްރީން ބުނީ، މިއީ ކޮރެއާ ސަރުކާރާއި ދިވެރހިރާއްޖެއާއި ދެމެދު އޮންނަ ގުޅުން ވަރުގަދަކޮށް ޞީއްޚީ ދާއިރާއަށް އެއްބާރުލުން ދިނުމުގެ ގޮތުން ހަދިޔާކުރެވުނު އެކްސްރޭ މެޝިނެއް ކަމަށެވެ.
Advertisement
This content is created and paid for by advertisers and does not involve Voice Journalists
