Advertisement
ދަރިވަރުންނަށް ލިބޭ ޢިލްމާއި ހުނަރަކީ ޤައުމީ ވުނަދާނައެއް: ވަޒީރު ޑރ.މާރިޔާ
ދަރިވަރުންނަށް ލިބޭ ޢިލްމާއި ހުނަރަކީ ހަމައެކަނި އެ ދަރިވަރުންގެ މުސްތަޤްބަލް ބައްޓަންކޮށްދޭ އެއްޗެއް ނޫން ކަމަށާއި، އެއީ ޤައުމީ ވުނަދާނައެއް ކަމަށް މަތީ ތައުލީމާއި މަސައްކަތްތެރި ކަމާއި ހުނަރުތައް ތަރައްގީ ކުރުމާ ބެހޭ ވަޒީރު ޑރ. މަރިޔަމް މާރިޔާ ވިދާޅުވެއްޖެއެވެ.
ރައީސުލްޖުމްހޫރިއްޔާ ދެއްވާ ހާއްސަ ސްކޮލަޝިޕާއި، ހައި އެޗީވާސް ސްކޮލާޝިޕްގެ ލިޔުން ހަވާލު ކުރުމަށް މިރޭ ކުރިއަށްދާ ޖަލްސާގައި ވާހަކަފުޅު ދައްކަވަމުން މާރިޔާ ވިދާޅުވީ ދަރިވަރުންނަށް ލިބޭ ޢިލްމާއި ހުނަރާއި ތަޖުރިބާތަކަކީ ޤައުމީ އިންވެސްޓްމަންޓެއް ކަމަށެވެ. އަދި ޤައުމުގެ ތަރައްޤީއާއި ކުރިއެރުމުގައި ދަރިވަރުންގެ ދައުރު ވަރަށް މުހިންމު ކަމަށް ވެސް ވިދާޅުވިއެވެ.
މީގެ އިތުރުން ވަޒީރު ދަރިވަރުންނަށް އިލްތިމާސް ކުރެއްވީ އެ ކުދިން ކިޔަވަން އިޚްތިޔާރުކުރާ ދާއިރާއަކީ ޤައުމަށް އެންމެ ފައިދާހުރި އެންމެ ބޭނުންތެރި މުހިންމު ދާއިރާތަކުގެ ތެރެއިން ދާއިރާއެއް ކަމުގައި ހެދުމަށެވެ.
Advertisement
"މި ޤައުމުގެ އެދި ގޮވަނީ ތިޔަ ދަރިވަރުންގެ ޚިދުމަތަށް. ކިޔަވައި ނިމިގެން އައިސް ޤައުމަށް ޚިދުމަތްކުރުމަކީ ތިޔައިން ކޮންމެ ކުއްޖެއްގެ ވެސް އަޒުމުކަމުގައި ކަނޑައެޅުމަށް ގޮވާލަން،"
ވަޒީރު ވިދާޅުވިއެވެ. ވިދާޅުވިއެވެ.
މީގެ އިތުރުން ވަޒީރު ވަނީ ބޭރު ޤައުމެއްގައި އުޅޭއިރު ކޮންމެ ކުއްޖަކީ ވެސް ރާއްޖޭގެ އެމްބަސެޑަރެއްކަން ދަނެގެން އުޅުމަށް އިލްތިމާސް ކުރައްވާ، މާތްވެގެންވާ އިސްލާމްދީނުގެ ރިވެތި އަހުލާގުގެ މަތީގައި ދެމިތިބުމަކީ އެންމެ އިސް ވާޖިބުކަމުގައި ހަދަންވާނެ ކަމަށް ވިދާޅުވެފައެވެ.
Advertisement
Advertisement
Advertisement
This content is created and paid for by advertisers and does not involve Voice Journalists
Advertisement
