އެމްޑީޕީ އެތެރޭގެ އިންތިޚާބުގައި، ވޯޓަށް ނުގޮސް ނައިބު ރައީސުންގެ މަޤާމަށް ގިނަ އަދަދެއްގެ ކެނޑިޑޭޓުން ހޮވިއްޖެއެވެ. 

މިއަދު އެމްޑީޕީއިން ކުރި އިޢުލާނެއްގައި ބުނެފައިވަނީ، ދާއިރާތަކުގެ އިންތިޚާބު ބައި-އިލެކްޝަންއަށް ހުޅުވާލެވުނު އިއުލާންގެ މުއްދަތު ހަމަވިއިރު، އެންމެ ކެންޑިޑޭޓަކު ކުރިމަތިލާފައިވާ ނައިބު ރައީސުން އިންތިޚާބަކައިނުލާ ހޮވިފައިވާ ކަމަށެވެ. 

އެގޮތުން 34 ކެނޑިޑޭޓަކު ވަނީ ވޯޓަށް ނުގޮސް، ނައިބު ރައީސުން ހޮވިފައެވެ. މީގެ ތެރޭގައި ހިމެނެނީ 23 ރަށެއްގެ ނައިބު ރައީސާއި 7 ދާއިރާއެއްގެ ނައިބު ރައީސްގެ އިތުރުން 4 ސިޓީއެއްގެ ނައިބު ރައީސްއެވެ.

Advertisement

އެމްޑީޕީގެ ދައިރާތަކުގައި ބައި އިލެކްޝަން ވޯޓުލުން ބޭއްވުމަށް ހަމަޖެހިފައިވަނީ އަންނަމަހުގެ 2 ވަނަދުވަހުއެވެ. މި އިންތިހާބުގައި ވާދަކުރަން ހުޅުވާލި ދާއިރާތަކުގެ ތެރޭގައި 13 ދާއިރާއެއްގެ ނައިބު ރައީސްގެ މަގާމާއި  103 ދާއިރާއެއްގެ ރަށު ނައިބު ރައީސްކަމުގެ މަގާމު ހިމެނެެއެވެ.