މައުލޫމާތު ހޯދައި ލިބިގަތުމުގެ ހައްގުގެ ގާނޫނުގެ ދަށުން ރައީސް އޮފީހުން މައުލޫމާތު ނުދީގެން ޖިނާއީ ދައުވާކޮށްދިނުން އެދި އިންފޮމޭޝަން ކޮމިޝަނަރުގެ އޮފީސް (އައިކޮމް) އިން ޕްރޮސެކިއުޓާ ޖެނެރަލް (ޕީޖީ)ގެ އޮފީހަށް ހުށަހަޅާފައިވާ މައްސަލައަކީ މި ސަރުކާރާ ގުޅުން ހުރި މައްސަލައެއް ނޫން ކަމަށް ރައީސް އޮފީހުގެ ތަރުޖަމާނު ހީނާ ވަލީދު ވިދާޅުވެއްޖެ އެވެ.
ވެކްސިން ޖެހުމާ ގުޅޭ މައުލޫމާތުތަކެއް ހޯދުމަށް، ކުރީގެ ސަރުކާރުގައި 2022 ވަނަ އަހަރު މީހަކު އެދުމުން އެ މައުލޫމާތު ނުދިން މައްސަލައެއް އައިކޮމް އިން ޕީޖީ އަށް ހުށަހަޅާފައިވާ ކަމަށް އެ އޮފީހުން ވަނީ އިއްޔެ ބުނެފައެވެ.
އެ މައްސަލަ އަކީ މި ސަރުކާރާ ގުޅުންހުރި މައްސަލައެއް ކަމަށް ދޭހަވާ މޭރުމުން ވާހަކަ ދެކެވުންދާ މި ދަނޑިވަޅުގައި، ހީނާ އެކްސް ގައި ކުރި ޕޯސްޓެއްގައި ވަނީ އެކަން ދޮގު ކޮށްފައެވެ.
އާރްޓީއައި ގެ ދަށުން، ރައީސް އޮފީހުން މަޢުލޫމާތު ނުދީގެން، ޖިނާއީ ދަޢުވާކޮށްދެއްވުން އެދި އިންފޮމޭޝަން ކޮމިޝަނަރުގެ ފަރާތުން ޕީޖީއަށް ހުށަހަޅުއްވާފައިވާ މައްސަލައަކީ، މި ސަރުކާރާ ގުޅުންހުރި މައްސަލައެއް ނޫން.
ރައީސް އޮފީހުގެ ތަރުޖަމާނު ހީނާ ވަލީދު
އައިކޮމް އިން ފޮނުވި މައްސަލާގައި ޖިނާއީ ކުށުގެ އެއްވެސް އަމަލެއް ހިމެނޭތޯ ބަލަން ތަހުގީގެއް ހިންގައިދިނުމަށް އެދި ޕީޖީ އޮފީހުން ފުލުހަށް މައްސަލަ ފޮނުވާފައިވާ ކަމަށް ޕީޖީ އޮފީހުން ބުނެފައިވެއެވެ.
Advertisement
This content is created and paid for by advertisers and does not involve Voice Journalists
