މެންދުރު ނަމާގު ވަގުތަށް ގަޑިއިރަކަށް ރައްޔިތުންގެ މަޖިލީހުގެ ޖަލްސާ މެދުކަނޑާލަން މަޖިލީސް ގަވާއިދުގައި ހިމަނައިފި އެވެ.
މިކަން ހާމަކުރައްވާފައި ވަނީ މަޖިލީހުގެ ރައީސް އަބްދުއްރަޙީމް އަބްދުالله މިއަދު އެކްސްގައި ކުރެއްވި ޕޯސްޓެއްގައެވެ.
އެގޮތުން، އަބްދުއްރޙީމް ވިދާޅުވީ 20 ވަނަ މަޖިލީހުގެ ގަވާއިދު އެކުލަވާލާއިރު މެންދުރު ނަމާދު ވަގުތު ޖަލްސާ ކުރިއަށް ނުގެންދާ ގޮތަށް މިހާރު ގަވާއިދުގައި ހިމަނާފައިވާ ކަމަށެވެ.
މީގެ ކުރިން 12:30 ގައި މެދު ކަނޑާލާގޮތަށް އޮތް އޮތުން 12 ޖަހާއިރު މެދު ކަނޑާލާގޮތަށް ބަދަލުކޮށް 1 ގަޑި އިރުގެ ހުސްވަގުތު ކޮޅަކަށްފަހު އަލުން ޖަލްސާ ފަށާނީ 13:00ގައި ކަމަށްވާނީ ނިންމާފައި.
އަބްދުއްރަޙީމް އަބްދުالله
މީގެ ކުރިން އަބްދުއްރަހީމް ވަނީ މަޖިލީސް ތަޅުމުގައި ބަންގީގެ އަޑު އިއްވަވަން ވެސް ނިންމަވާ އެކަންވެސް އަމަލީ ގޮތުން ފަށްޓަވާފައެވެ. އެގޮތުން، ނިމިދިޔަ، ހަފްތާގެ ހޯމަ ދުވަހުގެ ޖަލްސާއިން ފެށިގެން ބަންގީގެ އަޑު މަޖިލީހުގައި އިއްވާފައިވާއިރު، އެވަގުތަށް ޖަލްސާ މެދު ނުކަނޑާތީ ގިނަ ބަޔަކު ވަނީ ފާޑުކިޔާފައެވެ.
ނަމަވެސް، ނަމާދު ވަގުތަށް މަޖިލިސް މެދުކަނޑާލަން ނިންމެވި ނިންމުމަށް، ދީނީ ޢިލްމުވެރިޔާ އައްޝައިޚް އަހުމަދު ސަމީރު ވަނީ ތަޢުރީފް ކުރައްވާފައެވެ.
އެގޮތުން އަބްދުއްރަޙީމްގެ ޕޯސްޓަށް ކުރެއްވި ކޮމެންޓެއްގައި ސަމީރު ވިދާޅުވީ، ރައްޔިތުން މަޖްލީހުގެ ތަޅުމުގައި ބަންގީގެ އަޑު އިއްވައި، މެންދުރު ނަމާދުގެ ޖަމާޢަތަށް ފުރުސަތު ލިބޭގޮތަށް ނިންމެވި ނިންމެވުމަކީ ތާރީޚީ އަދި ނަމޫނާ ނިންމެވުމެއް ކަމުގައި ދެކެލައްވާ ކަމަށެވެ.
މި ކަމަށްޓަކައި 20 ވަނަ ރައްޔިތުން މަޖްލީހުގެ ރައީސް ޢަބްދުއް ރަޙީމް ޢަބްދުالله އަށް ޝުކުރު ދަންނަވާ ކަމަށްވެސް ވިދާޅުވިއެވެ.
މިއީ ނަމާދު ވަގުތަށް އިސްކަންދީގެން މަޖިލީހުގެ ގަވާއިދަށް މިފަދަ ބަދަލެއް ގެނެވުނި ފުރަތަމަ ފަހަރެވެ.
Advertisement
This content is created and paid for by advertisers and does not involve Voice Journalists
