މަގުބައްތިތައް ރަނގަޅުކުރުމަށް 85 މިލިއަން ޚަރަދުވާނޭވަމަށް ސިޓީތަކާ އިދާރީ ހިންގުންތަކާ ބެހޭ ވަޒީރު އާދަމް ޝަރީފް އުމަރު ވިދާޅުވެއްޖެއެވެ.
މިނިސްޓަރު ކުރައްވާފައިވާ ޓުއީޓެއްތައި ވިދާޅުވެފައި ވަނީ މަގުބައްތިތައް ރަނގަޅުކުރުމަށް ޔުޓިލިޓީ ރެގިއުލޭޓަރީ އޮތޯރެޓީ (ޔޫއާރުއޭ)ގެ އެންގުމާ އެއްގޮތަށް ރަށްރަށުގެ ކައުންސިލްތަކަށް ފެނަކައިން ދީފައިވާ މުއްދަތުގައި މައްސަލަ ހައްލު ކުރެވޭނެ ކަމަށް ނުފެންނާތީ ފެނަކައާއި ޔޫއާރުއޭއާއެކު މަޝްވަރާ ކޮށްފައި ވާކަމަށެވެ.
އަދި މި ކަމަށް 85 މިލިއަނެއްހާ ރުފިޔާ ޚަރަދުވާނެ ކަމަށް ފެނަކައިން ލަފާކޮށްފައިވާއިރު މާލީ ވުޒާރާއިން ފައިސާލިބުނު ކަމުގައިވިޔަސް ޔޫއާރުއޭއިން ދީފައިވާ މުއްދަތުގައި މަސައްކަތް ނިންމޭނެ ކަމަށް ނުފެންނާތީ އަދި އިތުރު މަޝްވަރާއަކަށް ދާނެ ކަމަށްވެސް މިނިސްޓާ ވިދާޅުވިއެވެ.
އަދި މީގެ އިތުރުން މިނިސްޓާވަނީ ރައްޔިތުންގެ ސަލާމަތާއި ރައްކާތެރިކަމަށް މަގުދައްތިތައް ރަނގަޅުކުރަން ގެހޭކަމަށް ވިދާޅުވެފައެވެ.
އަދި މިކަން ކުރުމަށް ވަގުތާއި ފައިސާ ވެސް ބޭނުން ވާކަމަށާއި ރަށު ކައުންސިލްތަކަށް ދިމާވެފައިވާ މި މައްސަަ ހައްލު ކުރެވެންދެން އެ ވުޒާރާއިން މަސައްކަތް ކުރާނެ ކަމަށް މިނިސްޓަރު ވިދާޅުވެފައިވެއެވެ.
Advertisement
This content is created and paid for by advertisers and does not involve Voice Journalists
