ސައުދީ އަރަބިއާއަށް އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ކުރައްވަމުން ގެންދަވާ ދަތުރުފުޅުގައި ފަލަޞްޡީނުގެ އިސްލާމިކް މިނިސްޓާ ޑދ.މުޙައްމަދު މުސްތަފާ ނަޖުމާއަށް ރާއްގޭގައި ހުތުބާ ދެއްވުމަށް ދައުވަތުއަރުވާފިއެވެ.

މިނިސްޓަރު ޝަހީމް މި ދައުވަތު ދެއްވީ ސައުދީގައި ކުރިއަށްދާ އިސްލާމީ ކަންތައްތަކާބެހޭ މިނިސްޓަރުންގެ ކޮންފަރެންސްގެ ތެރެއިން މުސްތަފާއާ ބައްދަލުކުރެއްވުމަށްފަހު އެވެ.

މި ކޮންފަރެންސުގެ ފަސްވަނަ ސެޝަނުގައި އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ވަނީ ރިޔާސަތު ބަލަހައްޓަވާފައެވެ.

ސަޢުދީ އަރަބިއްޔާގެ މައްކާގައި ކުރިއަށްދާ މި ކޮންފަރެންސްގައި އިސްލާމީ ހުރިހާ ގައުމަކުންވެސް ބައިވެރިވެލައްވައެވެ.

މައްކާގައި ކުރިއްށްދާ މި ކޮންފަރެންސު ނިމޭނީ މިއަދުގެ ވަގުތެއްގައެވެ.