ހައްދުފަހަނަ އަޅާފައިވާ ޔަހޫދީން ޣައްޒާއަށް ދެމުން ދާ އުދުވާނީ ހަމަލާތަކަށް 300 ދުވަސްވެފަވާއިރު ސިއްހީދާއިރާގެ ހާލަތުގެ ތަފާސް ހިސާބުތަށް ޣައްޒާގެ ހެލްތް މިނިސްޓްރީއިން އާންމު ކޮށްފިއެވެ.

މިދިޔަ އަހަރު އޮކްޓޯބަރު މަހު 7 ވަނަ ދުވަހުން ފެށިގެން ކުރިއަށްދާ މި ގަތުލުއާއްމަށް މިހާރު 304 ދުވަސް ވަނީވެފައެވެ. 

މި ނިރުބަވެރި ހަމަލާތަކުގައި 39،480 މީހުން ޝަހީދު ކޮށްލާފައިވާއިރު 32،280 ޝަހީދުން ހޮސްޕިޓަލާހަމައަައް އައިސްފާވާކަމަށް ސިއްހީ ވުޒާރާއިން ނެރެފައުވާ ތަފާސް ހިސާބުތަކުން ދައްކައެވެ.

Advertisement

މީގެތެރެއިން 32.9 އިންސައްތަ 10،627 އަކީ ކުޑަކުދިން ކަމަށްވާއިރު، އޭގައި 663 އެއްއަހަރު ނުވާކުޑައުދިންވެސް ހިމެނެއެވެ. ތަފާސް ހިސާބުތަކުން އެނގޭ ގޮތުން ޣައްޒާގެ 1 އިންސައްތަ ކުޑަކުދިން ވަނީ މި ގަތުލުޢާއްމުގައި ޝަހީދު ކޮށްލާފައެވެެ

މީގެ އިތުރުން 5،959 އަންހެނުން ޝަހީދު ކޮށްލާފައިވާއިރު 2،770 ދުވަސްވީމީހުން ޝަހީދުކޮށްލާފައިވާކަމަށް ވެސް މިނިސްޓްރީއިން ވަނީ ހާމަކޮށްފައެވެ. އަދި 12،920 ފިރިހެނުން ވަނީ ޝަހީދު ކޮށްލާފައެވެ.

ޝަހީދުންގެ ތެރެއިން 60 އިންސައްތައަކީ އަންހެނުނާއި ކުޑިކުދިންނާއި އުމުރުން ދުވަސްވީ މީހުންނެވެ.

މީގެ އިތުރުން، މިހާތަނަށް 91،128 މީހުންވަނީ ޒަހަމްވެފައެވެ. މީގެ ތެރެއިން 64،407 މީހުނަށް ފަރުވާދެވިފައިވަކަމަށް ވެސް އެެވުޒާރާއިން ވަނީ ހާމަކޮށްފައެވެ.

ޣައްޒާގެ ހެލްތް ސެކްޓާގެ 38 ހޮސްޕިޓަލުގެ ތެރެއިން 22 ހޮސްޕިޓަލެއްގެ ޚިދުމަތް ހުއްޓިފައިވާއިރު، ޕްރަމްރީ ހެލަތް ކެއަރ 90 ސެންޓަރުގެ ތެރެއިން މިހާރު ޚިދުމަތްދެވެނީ އެންމެ 26 ސެންޓަރެވެ. އަދި މީގެ އިތުރުން 130 އެންބިއުލާންސެއް ވަނީ ބޭނުން ނުކުރެވޭވަރަށް ހަލާކު ކޮށްލާފައެވެ.