20 ވަނަ ރައްޔިތުންގެ މަޖިލީހުން، މަޖިލީހުގެ މަސްއޫލިއްޔަތުތައް ފުރިހަމައަށް އަދާކުރާނެ ކަމުގެ ޔަގީންކަން، މަޖިލީހުގެ ރައީސް އަބްދުއްރަޙީމް އަބްދުالله ވިދާޅުވެއްޖެއެވެ.
ރާއްޖޭގައި މިހާރު އަމަލުކުރަމުންދާ ޤާނޫނުއަސާސީ ތަސްދީޤުކުރިތާ 16 އަހަރު ފުރުމާއި ގުޅިގެން އެކަމަށް އަލިއަޅުއްވާލައްވައި މަޖިލީހުގެ މިއަދުގެ ޖަލްސާގައި ވާހަކަފުޅު ދައްކަވަމުން އަބްދުއްރަޙީމް ވަނީ، ޤާނޫނު އަސާސީ އެކުލަވައިލުމުގެ މަސައްކަތް ކުރެއްވި ޚާއްސަ މަޖިލީހުގެ ހުރިހާ މެންބަރުންނަށާއި އެ މަޖިލީހުގެ ރިޔާސަތު ބަލަހައްޓަވައިދެއްވި، މާމިގިލި ދާއިރާގެ މެންބަރު ގާސިމް އިބްރާހިމަށް އެމަނިކުފާނު ޝުކުރު އަދާކުރައްވާފައެވެ.
މިއާއެކު އަބްދުއްރަހީމް ވިދާޅުވީ ޤާނޫނުއަސާސީން ރައްޔިތުންގެ މަޖިލީހަށް ލިބިދީފައިވާ ހައްގުތައް ކަށަވަރު ކުރައްވައި، އެއިން މަޖިލީހަށް މަތިކޮށްފައިވާ ވާޖިބުތައް އަދާކޮށްދެއްވާނެ ކަމުގެ ޔަގީންކަން އަރުއްވާފައެވެ.
"ޤާނޫނުއަސާސީން އަޅުގަނޑުމެންނަށް ލިބިދީފައިވާ ޙައްގުތައް ކަށަވަރުކުރުމުގައި އަދި ރައްޔިތުންގެ މަޖިލީހުން މަތިކޮށްފައިވާ ވާޖިބުތައް އަދާކޮށް މުއައްސަސާތައް ޖަވާބުދާރީ ކުރުވައި ރައްޔިތުންގެ މަޖިލީހުގެ މަސްއޫލިއްޔަތު މި މަޖިލީހުން އަދާކުރާނެ ކަމުގެ ފުރިހަމަ ޔަގީންކަން އެންމެހާ ލޮބުވެތި ރައްޔިތުންނަށް އަރުވަން."
މަޖިލީހުގެ ރައީސް އަބްދުއްރަޙީމް އަބްދުالله
މިހާރު އަމަލުކުރަމުންދާ ޤާނޫނުއަސާސީ އެކުލަވައިލުމުގެ މަސައްކަތް ރައްޔިތުންގެ ޚާއްސަ މަޖިލީހުން ފެށީ 2004 ވަނަ އަހަރުއެވެ. އެ މަސައްކަތް ނިންމާލުމަށްފަހު، އެ ޤާނޫނުއަސާސީ ތަސްދީޤުކޮށްފައިވަނީ 7 އޯގަސްޓް 2008ގައެވެ.
Advertisement
This content is created and paid for by advertisers and does not involve Voice Journalists
