ނަމަލް ރާޖަޕަކްސާ އެ ގައުމުގެ ރައީސްކަމަށް ވާދަކުރައްވަން ނިންމަވައިފިއެވެ.
ސްރީލަންކާގެ ކުރީގެ ރައީސް، އަދި ކުރީގެ ބޮޑުވަޒީރު މަހިންދަ ރާޖަޕަކްސާގެ ދޮށީ ދަރިކަލުން ނަމަލް ރާޖަޕަކްސާ ގެ ޓިކެޓު ހަވާލުކުރުން މިޔަދުގެ ވަގުތެއްގައި އޮނަނާނޭކަމަށް ސްރީ ލަންކާގެ ހަބަރުުތަކުންބުނެފައި ވެއެވެ.
ނަމަލް ވާދަކުރާނީ ސްރީލަންކާ ޕޮޑުޖަނަ ޕެރަމުނަ (އެސްއެލްޕީޕީ)ގެ ޓިކެޓުގައެވެ. އޭނާއަކީ އެ ޕާޓީގެ ލީޑަރު ވެސް މެއެވެ.
ޔުނިވާސިޓީ އޮފް ލަންޑަނުން ގާނޫނީ ދާއިރާއިން ޑިގުރީއެއް ހާސިލްކޮށްގެން ހުންނެވި 38 އަހަރުގެ ނަމަލްއަކީ ވަކީލެކެވެ. އަދި މި އިންތިޚާބުގައި ވާދަކުރައްވާނެ އެންމެ ހަގު ކެންޑިޑޭޓުކަމަށްވާއިރު، ކާމިޔާބުވެއްޖެނަމަ އޭނާ ވެވަޑައިގަންނަވާނީ ލަންކާގެ ރައީސްކަން ކާމިޔާބުކުރެއްވި އެންމެ ހަގު ބޭފުޅާއަށެވެ.
ރައީސަކު އިންތިޚާބުކުރުމަށް ބާއްވާ އިންތިޚާބު ބާއްވަން ހަމަޖެހިފައިވަނީ އަންނަ މަހުގެ 21ވަނަ ދުވަހެވެ. މިއީ 2022ވަނަ އަހަރު އެ ގައުމުން ބެންކްރަޕްސީ އިއުލާނުކުރިފަހުން ބާއްވާ އެންމެ ފުރަތަމަ އިންތިޚާބެވެ.
Advertisement
This content is created and paid for by advertisers and does not involve Voice Journalists
