ކޮމިޝަނަރ އޮފް ޕޮލިސް ޢަލީ ޝުޖާޢު އާއި މޯލްޑިވްސް ޕޯޓްސް ލިމިޓެޑް (އެމްޕީއެލް) ގެ ސީއީއޯ މުޙައްމަދު ވަޖީހް އިބްރާހީމް ބައްދަލުކުރައްވައިފިއެވެ.

މި ބައްދަލުވުމުގައި  މަޝްވަރާކުރެއްވި މައިގަނޑު ކަންތަކަކީ ޕޮލިހާއި އެމްޕީއެލް މިހާރު ގުޅިގެން ކުރެވެމުންދާ މަސައްކަތްތައް އިތުރަށް ހަރުދަނާކޮށް އަވަސްކުރުމާއި، އެމްޕީއެލްގެ ކުރިއަށް ހުރި ޕްރޮޖެކްޓްތަކުގައި ފުލުހުންގެ ދައުރު އަދާކުރުމަށް ފަސޭހަ އިންތިޒާމުތަކެއް ހަމަޖެއްސުން ހިމެނެއެވެ.

އަދި މީގެ އިތުރުން، ފަންނީ އަދި އެހެނިހެން ދާއިރާތަކުން ދެފަރާތުންވެސް އެހީތެރިކަން ފޯރުކޮށްދެވިދާނެ ގޮތްތަކާ ބެހޭގޮތުންވެސް މަޝްވަރާކޮށްފައިވެސްއެވެ.

Advertisement

އަދި މި ބައްދަލުވުމުގެ ސަބަބުން ދެ މުއައްސަސާގެ ގުޅުން އިތުރަށް ބަދަހިވެ، ރާއްޖޭގެ ޕޯޓުތަކުގެ ސަލާމަތާއި ރައްކާތެރިކަން އިތުރުކުރުކޮށް، ޕޯޓުތަކުގެ ޚިދުމަތް އިތުރަށް ހަރުދަނާކުރުމަށް މަގުފަހިވެގެންދާނެކަމަށް ވެސް ވިދާޅުވެފައިވެއެވެ.