ކުރިއަށް އޮތް ފަސް ދުވަހުގައި މޫސުން ގޯސްވާނެ ކަމަށް ލަފާކުރެވޭތީ ރައްކާތެރިކަމުގެ ފިޔަވަޅުތައް އެޅުމަށް ފުލުހުން އިލްތިމާސްކޮށްފިއެވެ.

މޫސުމާ ބެހޭ ގައުމީ އިދާރާ (މެޓް އޮފީހުން) ބުނީ އާދިއްތަ ދުވަހުން ފެށިގެން އަންނަ ހަފްތާގެ ފަސް ދުވަހަށް ރާއްޖޭގެ ބޮޑު ބަޔަކަށް މޫސުން ގޯސްވާނެ ކަމަށެވެ. 

އެގޮތުން، އެ ދުވަސްތަކުގައި، ރާއްޖޭގެ ބޮޑު ސަރަހައްދަކަށް ގުގުރުމާ އެކު ވިއްސާރަވާނެ ކަމަށާއި މޫސުން ގޯސް ވަގުތުތަކުގައި ވިލާގަނޑުގައި ގަޑިއަކު 40 އާއި 45 މޭލާ ދެމެދުގެ ބާރުމިނެއްގައި ވައިޖެހޭނެ ކަމަށް އެ އިދާރާއިން ލަފާކުރާއިރު ކަނޑުތައްވެސް ގަދަވާނެ ކަމަށް ލަފާކޮށްފައިވެ އެވެ. 

މި ކަމުން ލިބިދާނެ ގެއްލުމަކުން ސަލާމަތްވުމަށް އެންމެން ވެސް ރައްކާތެރިކަމުގެ ފިޔަވަޅުތައް އަޅައިގެން ތިބުމަށް ފުލުހުން ވަނީ އާންމުންނަށް އިލްތިމާސްކޮށްފައެވެ.

- ފެންބޮޑުވެދާނެ ކަމަށް ތައްޔާރުވުން

- ގެއަށް ފެން ނުވަންނާނެހެން ރައްކާތެރިކުރުން

- ކޮންމެހެން ކުރަން ނުޖެހޭ ދަތުރުތައް ފަސްކުރުން

- ފުރާޅާ އެހެނިހެން ތަކެތި ރައްކާތެރިކުރުން

- ކަރަންޓު ސާމާނު ރައްކާތެރިކުރުން

- ކަނޑު ދަތުރުފުޅުގައި ސަމާލުވުން

- މުދާ ރައްކާތެރި ތަންތަނަށް ބަދަލުކުރުން

-ކުއްލި ހާލަތެއްގައި 119 އަށް ގުޅުން