ހައްދު ފަހަނަ އަޅާފައިވާ އިޒްރޭލުގެ ސިފައިން ޣައްޒާގެ ކުށެއް ނެތް އެތައް ސަތޭކަ އާންމުންނެއް މަރަމުންދާއިރު އަރަބި ލީޑަރުން ތިއްބަވަނީ ކުޅިބަލަން ކަމަށް ވިދާޅުވެ ކުރީގެ ރައީސް މަައުމޫން އަބްދުލްގައްޔޫމް ކަންބޮޑުވުން ފާޅު ކުރައްވައިފިއެވެ.
ކުރީގެ ރައީސް މައުމޫން އަބްދުލްގައްޔޫމް އެކްސްގައި އާންމު ކޮށްފައިވާ ފޯސްޓެއްގައި ވިދާޅުވެފައިވަނީ ކޮންމެ ދުވަހަކު ޣައްޒާގެ ކުށެއް ނެތް އެތައް ސަތޭކަ އާންމުންނެއް އިޒްރޭލުގެ ސިފައިން ނިކުމެ މަރަމުންދާއިރު އަރަބި ލީޑަރުން ތިއްބަވަނީ ކުޅިބަލަން ކަމަށެވެ.
ރައީސް މައުމޫނަކީ ފަލަސްތީނުގެ މިނިވަން ކަމަށް ގޮވާލެއްވުމުގައި ދެމި ހުންނެވި ލީޑަރެކެވެ.
ކޮންމެ ދުވަހަކު އެތައް ސަތޭކަ ކުށެއް ނެތް ޣައްޒާގެ އާންމުންނެއް އިސްރާއީލުން އެދަނީ ރަހުމެއްނެތި މަރަމުން. އަރަބި ލީޑަރުން އެތިބީ ކުޅިބަލަން. އެއްވެސް ކަމެއް ނުކުރޭ. ހިތާމައިގެ ކޮޅެއްނެތް.
ކުރީގެ ރައީސް މައުމޫން އަބްދުގައްޔޫމް
ހައްދުފަހަނައަޅާފައިވާ އިޒްރޭލްގެ ހަރުކަށި ސިފައިން ފަލަސްތީނުގެ ވަޒަންވެރީންނާއި ދެކޮޅަށް އެ މީހުންގެ ބިމުގައި ހިންގަމުންދާ ގަތުލު ހުއްޓުވަން އިސްލާމީ ބޮޑެތި ގައުމުތަކުން އެކަށީގެންވާ މަސައްކަތްއް ކުރަމުން ނުދާތީ މީގެ ކުރީން ވެސް މައުމޫން ވަނީ ކަންބޮޑުވުން ފާޅު ކުރައްވާފަ އެވެ.
Advertisement
This content is created and paid for by advertisers and does not involve Voice Journalists
