ފަލަސްޡީނުގެ ޣައްޒާގެ ދެކުނުގައި ހަރަކާތްތެރި ވަމުން ދިޔަ އިޒްރާއީލުގެ ނިރުބަވެރިއެއް ޣައްޒާގެ މުޖާހިދުން މަރާލައިފިއެވެ.

އިސްރާއީލްގެ އަސްކަރިއްޔާ އިން ބުނި ގޮތުގައި އިއްޔެގެ ވަގުތެއްގައި ޣައްޒާގެ ދެކުނުގައި ހިނގި ކުރިމަތިލުންތަކުގައި މަރާލާފައި ވަނީ  101 ވަނަ ބެޓާލިއަންގެ ޕެރަޓްރޫޕްސް ބްރިގޭޑްގެ އޮމަރް ގިނިޒްވާގް (19އ) އެވެ.

އިސްރާއީލްގެ އަސްކަރިއްޔާ އިން ބުނި ގޮތުގއި ޣައްޒާގައި ކުރަމުންދާ ހަނގުރާމާގައި މިހާތަނަށް 329 ނިރުބަވެރިން މަރާލާފައިވާކަމަށެވެ.

Advertisement

ފަލަސްތީނުގެ ޣައްޒާ އަށް ވެރިވެގަނެގެން ތިބި ހައްދު ފަހަނައަޅާފައިވާ އިސްރާއީލްގެ ސިފައިންނަށް އަމާޒުކޮށް ޣައްޒާގެ މުޖާހިދުން ދަނީ ވަރުގަދަ ހަނަލާތަކެއްދެމުންނެވެ. އަދި މީގެ އިތުރުން ޣައްޒާގެ މިނިވަންކުތުމަށް ޖިހާދުކުރަމުންދާ އަލް-ގައްސާމް ބްރިގޭޑްގެ މުޖާހިދުންނާ ހަމަލާ ބަދަލުކޮށްފައިވާކަމަށް އިޒްރާއީލުހެ އަސްކަރިއްޔާއިން ވަނީ ރޭގެ ވަގުތެއްގައި ބުނެފައެވެ.

މިކަމުގެ ސަބަބުން ޣައްޒާގައި ތިބި އިސްރާއީލް ސިފައިންނަށް ލިބޭ ގެއްލުން ވަރަށް ބޮޑެވެ.

ޣައްޒާގެ އެކި ސަރަހައްދުތަކުގައި މިހާރުވެސް ނިރުބަވެރި ސިފައިން ދަނީ ހަރަކާތްތެރިވަމުންނެވެ. މިގޮތުން އެންމެ ބޮޑަށް މިހާރު ހަރަކާތްތެރިވަމުން ދަނީ ރަފާޙް އަދި ޚަން ޔޫންސް ގައެވެ.

ފަލަސްތީނުގެ މުޖާހިދުންނާއި އިސްރާއީލްއާ ދެމެދު އެންމެ ވަރުގަދަ ކުރިމަތިލުންތަކެއް ހިނގަނީ ޣައްޒާގެ ދެކުނުގައެވެ.