ފެނާއި ނަރުދަާގެ ޚިދުމަތަކީ އަސާސީ ޚިދުމަތެއް ކަމަށާ، އެ މަސައްކަތް ނުފެށޭ އެއްވެސް ރަށެއް ރާއްޖޭގައި ނެތް ކަށް އިމާރާތް ކުރުމާއި، ބިނާރާ ބެހޭ ވުޒާރާގެ ވަޒީރު ޑރ. ޢަބްދުالله މުއްޠަލިބު ވިދާޅުވެއްޖެއެވެ.
މަޖިލީހުގެ މިއަދުގެ ޖަލްސާގައި ވަޒީރު މަޖިލީހަށް ހާޒިރުކޮށް ސުވާލު ކުރުމަށް ދެވުނު ފުރުސަތުގައި، ކެންދޫ ދާއިރާގެ މެންބަރު މައުރޫފް ޒާކިރު ވަނީ ރާއްޖޭގައި މިހާރު ފެނާއި ނަރުދަމާގެ ޚިދުމަތް ނުފަށައި ހުރީ ކިތައް ރަށުގައި ތޯ އާއި އަދި މަސައްކަތް ފެށިފައި ހުއްޓިފައިހުރީ ކިތައް ރަށުގައިތޯ ސުވާލު ކުރައްވާފައެވެ.
އެ ސުވާލަށް ޖަވާބު ދެއްވަމުން ވަޒީރު ވިދާޅުވީ، ރާއްޖޭގައި މީހުން ދިރިއުޅޭ ރަށްތަކުގެ ތެރެއިން ފެނާއި ނަރުދަމާގެ މަސައްކަތް ނުފެށޭ އެއްވެސް ރަށެއް ނެތް ކަމަށެވެ.
ރާއްޖޭގައި މީހުން ދިރިއުޅޭ ރަށްތަކުގެ ތެރެއިން ފެނާއި ނަރުދަމާގެ މަސައްކަތް ނުފެށޭ އެއްވެސް ރަށެއް ނެތް. ފެނާއި ނަރުދަމާގެ މަސައްކަތަކީ ގާނޫނީ ގޮތުން ސަރުކާރަށް 2025 ވަނަ އަހަރަށް ނިންމަން މަޖުބޫރު ކޮށްފައި އޮތް ކަމެއް. އެހެންނަމަވެސް ޕްރޮޖެކްޓްތައް ލަސްވެފައި ވުމުން ގާނޫނަށްވެސް ބަދަލުތަކެއް ގެންނަންޖެހޭ އެކަން ކުރަން. އެހެން ނަމަވެސް މަސައްކަތް ނުފެށޭ އެއްވެސް ރަށެއް ނެތް.
އިމާރާތް ކުރުމާއި، ބިނާރާ ބެހޭ ވުޒާރާގެ ވަޒީރު ޑރ. ޢަބްދުالله މުއްޠަލިބު
މީގެ އިތުރުން 20 ރަށެއްގައި ފެނާއި ނަރުދަމާގެ ޚިދުމަތް ފޯރުކޮށްދިނުމަށް ފެނަކައާއި ހަވާލުކޮށއފައިވާ މަސައްކަތް ކުރިއަށް ނުދާތީ ކޮންޓްރެކްޓް ބާތިލްކޮށް އެމްޑަބްލިޔުއެސްސީ އާއި ހަވާލު ކުރުމުގެ މަސައްޖަތް ކުރައްވަމުން ދާކަމަށްވެސް ވަޒީރު މުއްޠަލިބު ވަނީ ވިދާޅުވެފައެވެ.
ފެނަކައަކީ މިކަހަލަ ޕްރޮޖެކްޓް ހިންގާނެ ކޮންޓްރެކްޓަރަކަށް ނުވާތީ، އާއި ޚިދުމަތް ފޯރުކޮށްދޭ ސާވިސް ޕްރިވައިޑާ އަކަށް ވާތީ، ސަރުކާރުން ނިންމީ އެގޮތަށް ފެނަކައާއި ހަވާލު ކޮށްފައި ހުރި ހުރިހާ މަސައްކަތެއްގެ ކޮންޓްރެކްޓް ބާތިލްކޮށް އެމްޑަބްލިޔުއެސްސީއާ ވާހަކަދައްކައިގެން، ޑައިރެކްޓް ނެގޯޝިއޭޝަނެއްގެ ތެރެއިން އެމްޑަބްލިޔުއެސްސީއާ ހަވާލު ކޮށްގެން ކުރިއަށް ގެންދަން
ވަޒީރު ޑރ. އަބްދުالله މުއްތަލިބު
އަދި އެ މަސައްކަތްތައް މި މަސް ތެރޭގައި ޓެންޑަރ ކުރެވި އެވޯޑް ކުރެވޭނެ ކަމަށް އުއްމީދު ކުރައްވާކަމަށްވެސް ވަޒީރު ވިދާޅުވިއެވެ.
Advertisement
This content is created and paid for by advertisers and does not involve Voice Journalists
