މާލޭގެ މަގުތަކުގައި ފެންބޮޑުވެފައިވާތީވެ، މަގުތަކުން ފެން ހިނދި އާއްމު ހާލަތަކަށް ނާންނަނީސް މަގުތަކުގައި ބަރު އުޅަނދު ނުދުއްވުމަށް ފުލުހުން އިލްތިމާސް ކޮށްފިއެވެ.
މިހާރު ކުރަމުންދާ މޫސުމީ ވިއްސާރައިގައި މާލޭގެ ބޮޑެތި ހުރިހާ މަގެއްގައިހެން ވަނީ ފެންބޮޑުވެފައެވެ.
މިކަމާ ގުޅޭގޮތުން ފުލުހުން ބުނީ، ބޯކޮށް ވާރޭވެހި މަގުތަކުގައި ފެން ބޮޑުވެ ގޭގެއަށް ފެން ވަނުމުގެ ހާދިސާތަށް ހިނގަމުންދާތީ، މަގުމަތި ބަރު އުޅަންދާއި ޒަރޫރީބޭނުމެއްގަަނޫނީ 4 ފުރުޅުލީ އުޅަންދު ނުދުށްވުމަށް އިލްތިމާސްކުރާ ކަމަށެވެ.
މިއަދު ހެނދުނުން ފެށިގެން ކުރަމުންދާ ވިއްސާރާގައި މާލޭގެ މަގުތަކުގައި ފެންބޮޑުވެ، އާއްމު ދަތުރުފަތުރު ކުރުމަށް އުނދަގޫ ވާވަރަށް ވަނީ ފެންބޮޑުވެފައެވެ. ބައެއް މަގުތަކުގައި ފެންބޮޑުވެ، ގޭގެއަށްވެސް ވަނީ ފެންގަނޑު ވަދެފައެވެ. މިއަދު މި ވިއްސާރާގައި މިހާތަނަށް 71 މިލިލީޓަރަށްވުރެ ގިނައިން ވާރޭ ވެހިފައިވާކަމަށް މެޓް އޮފީހުން ބުނެއެވެ.
މެޓް އޮފީހުން ވަނީ މާލެ އަތޮޅުން ފެށިގެން އދ އަތޮޅަށް އޮރެންޖް އެލާޓްވެސް ނެރެފައެވެ.
Advertisement
This content is created and paid for by advertisers and does not involve Voice Journalists
