އިންޑިއާގެ ކަލްކަތާގައި ޓްރެއިނީ ޑޮކްޓަރަކު ރޭޕްކޮށް މަރާލުމާ ގުޅިގެން އިންޑިއާގެ އެކި ކަންކޮޅުތަކުގައި ޑޮކްޓަރުން މުޒާހަރާކުރަން ފަށައިފިއެވެ.
ހުޅަނގު ބެންގާލް ސްޓޭޓްގެ ވެރިރަށް ކަލްކަތާ އާއި އެ ސްޓޭޓުގެ އެހެން ސިޓީތަކުގައި އެތައް ހާސް ޑޮކްޓަރުންނެއް ހޯމަ ދުވަހު ވަނީ ސަރުކާރުން ހިންގާ ހޮސްޕިޓަލެއްގައި ޓްރެއިނީ ޑޮކްޓަރ މަރާލި ހާދިސާ ކުށްވެރިކޮށް އަނިޔާ ލިބުނު މީހާއަށް އިންސާފު ހޯދައިދިނުމަށާއި ސަލާމަތީ ގޮތުން އަޅަން ޖެހޭ ފިޔަވަޅުތައް ރަނގަޅު ކުރުމަށް ގޮވާލާ މުޒާލަރާކޮށްފައެވެ.
ކޮލްކަތާގެ އާރްޖީ ކަރް މެޑިކަލް ކޮލެޖް އެންޑް ހޮސްޕިޓަލް ތެރޭގައި އުމުރުން 31 އަހަރުގެ ޓްރެއިނީ ޑޮކްޓަރުގެ ހަށިގަނޑު މަރުވެފައި އޮއްވާ ފެނުނީ މިދިޔަ ހުކުރު ދުވަހު އެވެ. އަދި އޮޓޮޕްސީއިންް އޭނަ މަރާލުމުގެ ކުރިން ރޭޕްކޮށްފައިވާ ކަމަށް ދައްކައެވެ.
އަދި އެ މައްސަލައާ ގުޅިގެން ފުލުހުންގެ ވޮލަންޓިއަރަކު ވަނީ ހައްޔަރުކޮށްފައިވާކަމަށް އަލް-ޖަޒީރާއިން ވަނީ ބުނެފައެވެ.
އިންޑިއާގެ އެހެން ހިސާބުތަކަށް އަންގާރަ ދުވަހު މުޒާހަރާތައް ބޮޑުވެ، ވެރިރަށް މުމްބާއީ ދިރިއުޅޭ މަހާރަޝްތުރާ ސްޓޭޓްގެ ސަރުކާރު 8،000 އަށް ވުރެ ގިނަ ޑޮކްޓަރުން ވަނީ އިމަޖެންސީ ހިދުމަތްތައް ފިޔަވައި ހުރިހާ ހޮސްޕިޓަލް ޑިޕާޓްމަންޓެއްގެ މަސައްކަތް ހުއްޓާލާފަ އެވެ.
Advertisement
This content is created and paid for by advertisers and does not involve Voice Journalists
