ހައްދު ފަހަނައަޅާފްއިވާ އިޒްރާއީލުގެ ޔަހޫދީން މިދިޔަ ހޮނިހިރު ދުވަހު ޣައްޒާ ސިޓީގެ މެދުތެރޭގައި އޮންނަ އަލްދަރާޖް ނެއިބަހޫޑް ގައި ހުންނަ އަލްތަބަޢީން ސްކޫލަށް ދިންހަމަލާ، 125 އަށްވުރެ ގިނަ މީހުން ޝަހީދުކޮށްލި މި ހަމަލާ އ.ދ ގެ ސަލާމަތީ މަޖިލީހުގެ މެންބަރުން ކުށްވެރިކޮށްފިއެވެ.
އަންގާރަ ދުވަހު އަލްޖީރިއާގެ އެދުމުގެ މަތިން ބޭއްވުނު ކުއްލި ބައްދަލުވުމެއްގައި ޗައިނާގެ ދާއިމީ މަންދޫބު ފޫ ކޮންގް ވިދާޅުވީ އެމެރިކާއިން ހުށަހެޅި ޤަރާރު 2735 ގައި ބުނާ ގޮތާ ޚިލާފަށް، އިސްރާއީލުން ހަނގުރާމަ ހުއްޓާލާފައި ނުވާ ކަމަސާއި އިސްރާއީލަށް އެންމެ ގިނައިން ހަތިޔާރު ވިއްކަނީ އެމެރިކާއިން ކަމަށެވެ. އަދި ޣައްޒާގައި މީހުން މަރުވަމުންދާތީ އެމެރިކާއިން އިސްރާއީލަށް ފިޔަވަޅު އަޅަން ޖެހޭ ކަމަށް އޭނާ ވިދާޅުވިއެވެ.
ސަލާމަތީ މަޖިލީހުގެ 14 މެންބަރުންނަށް އެމެރިކާއިން ބާރުފޯރުވާ ކަމަށާއި، ހަނގުރާމަ ހުއްޓުވުމަށް އެޅޭ ފިޔަވަޅުތަކަށް އެމެރިކާއިން ހުރަސް އަޅާ ކަމަށް ރަޝިޔާގެ މަންދޫބު ޑިމިޓްރީވަނީ ވިދާޅުވެފައެވެ.
މި ގަތުލުޢާއްމާ ގުޅިގެން، އދ.ގެ ސެކްރެޓަރީ ޖެނެރަލްގެ ޑެޕިއުޓީ ސްޕޯކްސްޕާސަން ފަރްހާން ޙައްޤުވެސް ވަނީ، ޣައްޒާ ސިޓީގެ އަލް-ތަބާއީން ސްކޫލަށްގައި ފަލަސްޠީނުގެ އެތައް ސަތޭކަ ޢާއިލާތަކަކަށް ހިޔާވަހިކަން ހޯދަމުންދަނިކޮށް އިސްރާއީލުން ދިން ނުރައްކާތެރި ހަމަލާގައި އެތައް ބަޔަކު މަރުވާކަމަށާއި ޣައްޒާގެ އަންހެނުންނާއި ކުޑަކުދިން ތަހައްމަލުކުރަމުންދާ ބިރުވެރިކަން ކުއްވެރި ކޮށްފައެވެ.
އަދި އޭނާ ވަނީ ވަގުތުން ހަނގުރާމަ ހުއްޓާލުމަށާއި، ގައިދީންތަށް ދޫކޮށްލަން ގޮވާލައި، ޣައްޒާގެ ރައްޔިތުންނަށް އެތަނަކީ ރައްކާތެރި ތަނަކަށްހެދުމަށްވެސް ގޮވާލާފައެވެ.
މީގެ އިތުރުން، އެމެރިކާގެ މަންދޫބު ލިންޑާ ތޯމަސް-ގްރީންފީލްޑް ބުނީ މި ހަމަލާއާމެދު އެމެރިކާ ކަންބޮޑުވާ ކަމަށެވެ. ނަމަވެސް، އެމެރިކާއިން އިސްރާއީލަށް ދޭ އެހީތެރިކަން ދެމެހެއްޓޭނެ ކަމަށް އޭނާ ބުންޏެވެ. އަދި ސިވިލިއަނުންނަށް ގެއްލުން ކުޑަވާނެ ގޮތަކަށް ހަމަލާތައް ދިނުމަށް އޭނާ އިސްރާއީލަށް ގޮވާލާފައިވެއެވެ.
ފާއިތުވި 10 މަސް ދުވަހުގެ ތެރޭގައި ހައްދު ފަހަނައަޅާފައިވާ އިސްރާއީލުން ޣައްޒާގެ 500 އަށްވުރެ ގިނަ ސްކޫލަށް ހަމަލާދީފައިވާކަމަށް އަލް-ޖަޒީރާއިން ވަނީ ބުނެފައެވެ.
Advertisement
This content is created and paid for by advertisers and does not involve Voice Journalists
