މިނިވަން ދުވަހުގެ މުނާސަބަތުގައި އިންޑިޔާގެ ބޮޑުވަޒީރު ނަރެންދްރަ މޯދީއަށާއި، ޚާރިޖީ ވަޒީރު ޑރ.އެސް.ޖައިޝަންކަރަށާއި، އިންޑިޔާ ސަރުކާރަށާއި އަދި އެ ގައުމުގެ ރައްޔިތުންނަށް ރާއްޖޭގެ ކުރީގެ ޚާރިޖީ ވަޒީރު މިހާރު އެމްޑީޕީގެ ރައީސް އަބްދުالله ޝާހިދު ތަހުނިޔާ ފޮނުއްވައިފިއެވެ.
އެކްސްގައި ޝާހިދު ކުރެއްވި ޕޯސްޓެއްގައި ވިދާޅުވެފައިވަނީ، އިންޑިޔާއަކީ ރާއްޖޭގެ ހުރިހާ ދުވަސްވަރެއްގެ އެކުވެރިއެއް ކަމަށެވެ. އަދި ރާއްޖެއަށް ދިމާވާ ކޮންމެ ހާލަތެއްގައި އެންމެ ފުރަތަމަ އަދި އެންމެ ރަނގަޅަށް އިޖާބަދޭ ފަރާތްކަމަށްވެސް ޝާހިދުވަނީ ވިދާޅުވެފައެވެ.
މީގެ އިތުރުން، ރާއްޖޭގެ ތަރައްޤީގެ ދަތުރުގައި އިންޑިޔާއަކީ އަގުހުރި ބައިވެރިއެއް ކަމަށްވެސް ޝާހިދު ފާހަގަކުރެއްވާފައިވެއެވެ.
ޝާހިދު އިތުރަށް ވިދާޅުވީ، އިންޑިޔާއިން ދެމުންދާ ދީލަތި ތަރައްޤީގެ އެހީތަކުންނާއި އިންސާނީ ވަސީލަތް ތަރައްޤީކުރުމުގެ އެހީތަކުން ރާއްޖޭގެ ރައްޔިތުން މިހާރުވެސް ފައިދާ ލިބެމުންދާ ކަމަށާއި ރާއްޖެއިން މި ގުޅުންމަށް ވަރަށް ބޮޑަށް އަގުވަޒަންކުރާކަމަށެވެ.
Advertisement
This content is created and paid for by advertisers and does not involve Voice Journalists
