ފަލަސްތީނުގެ ރައީސް މަހްމޫދު އައްބާސް ޣައްޒާއަށް ޒިޔާރަތްކުރައްވަން ނިންމަވައިފިއެވެ. މިކަން އިޢުލާންކުރެއްވީ ތުރުކީގެ ގާނޫނު ހަދާ މަޖިލީހުގައި ދެއްކެވި ވާހަކަފުޅެއްގައެވެ.
88 އަހަރުގެ ރައީސް މަހްމޫދު އައްބާސް ވިދާޅުވީ، އެމަނިކުފާނުގެ ފުރާނައަށް ނުރައްކާތެރިކަން އޮތްކަން އެނގިހުރެވެސް ޣައްޒާއަށް ވަޑައިގަންނަވާނެ ކަމަށެވެ. "ކުޑަކުއްޖެއްގެ ފުރާނަ ކުރިމަތީގައި އަޅުގަނޑުގެ ފުރާނައަކީ މާ ބޮޑު އެއްޗެއް ނޫން" ކަމަށް އެމަނިކުފާނު ވިދާޅުވިއެވެ.
މިއީ ހުޅަނގު އައްސޭރީގައި ވެރިކަންކުރާ ޕީއެލްއޯގެ ލީޑަރަކު ޣައްޒާއަށް ވަޑައިގަންނަވާ ފުރަތަމަ ފަހަރެވެ.
މަހްމޫދު އައްބާސްގެ ޕާޓީއަކީ ޣައްޒާގައި ގިނަ ބައެއްގެ ތާއީދު ލިބިފައިވާ ހަމާސްއަށް ތާއީދުނުކުރާ ޕާޓީއެކެވެ. ނަމަވެސް އެމަނިކުފާނު ވަނީ އީރާނުގައި ހަމާސްގެ ލީޑަރު އިސްމާއީލް ހަނިއްޔާ ޝަހީދުކުރުން "ފިނޑި ޢަމަލެއް" ގެ ގޮތުގައި ސިފަކުރައްވައި ކުށްވެރިކުރައްވާފައެވެ.
2005 އިން ފެށިގެން ޣައްޒާ އޮންނަނީ ހަމާސްގެ ކޮންޓްރޯލްގެ ދަށުގައެވެ. ރައީސް މަހްމޫދު އައްބާސް ވަނީ މިކަން ބަލައިނުގަނެވޭނެ ކަމަށާއި، ފަލަސްތީނުގައި ވަކި ދައުލަތެއް އޮވެގެން ނުވާނެ ކަމަށް ވިދާޅުވެފައެވެ.
Advertisement
This content is created and paid for by advertisers and does not involve Voice Journalists
