ހައްދުފަނަ އަޅާފައިވާ އިސްރާއީލުން ހިފާފައިވާ ފަލަސްޡީނުގެ ހުޅަނގު އައްސޭރީގެ ޖެނީންގައި ކާރަކަށް ވައިގެ ހަމަލާދީ ހަމާސްގެ އިސް ދެ ހަނގުރާމަވެރިއަކު ޝަހީދުކޮށްލައިފިއެވެ.

މި ހަމަލާ ދީފައިވަނީ ހޮނިހިރު ދުވަހުގެ ރޭގަނޑުގައެެވެ. ކާރަށް 2 ރޮކެޓު އަމާޖުކޮށްފައިވާކަމަށް ޖެނީންގެ މީޑިއާ ރިޕޯޓުތަކުން ވަނީ ބުނެފައެވެ.

އިޒްރޭލުގެ ސަލާމަތީ އިދާރާ އާއި އިސްރާއީލުގެ ދިފާއީ ބާރުތައް ގުޅިގެން ނެރުނު ބަޔާނެއްގައި ބުނެފައިވަނީ ޝަހީދު ކޮށްލާފައިވާ 2 ހަނގުރާމަވެރިންނަކީ ޖެނިންގެ ވަށައިގެންވާ ހުޅަނގު އައްސޭރީގެ އުތުރު ޑިސްޓްރިކްޓަށް ނިސްބަތްވާ އަހުމަދު އަބޫ އާރާ އާއި ރަފޭތު ދާވާސީ ކަމަށެވެ.

އިސްރާއީލުގެ ބަޔާނުގައި ބުނެފައިވަނީ މި ދެ މުގާހިދުންނަކީ ހުޅަނގު އައްސޭރީގެ ޖޯޑަން ވާދީގައި މިދިޔަ ހަފުތާގައި އިސްރާއީލުގެ ޔޮނަޓަން ޑޮއިޗް ނަމަކަށް ކިޔާ މީހަކު މަރާލި ބަޑީގެ ހަމަލާ ރޭވުމުގައި ބައިވެރިވި ދެ މުޖާހިދުންކަމަށެވެ.

ހަމާސް އިން ބުނެފައިވާގޮތުން ޔޮނަޓަން ޑޮއިޗް ނަމަކަށް ކިޔާމީހާ މަރާލާލާފައިވަނީ ޣައްޒާގެ ތަބައީން ސުކޫލަށް ހަމަލާދީ 100 އަށްވުރެގިނަ މީހުން ޝަހީދުކޮށްލުމާ ގުޅިގެންކަމަށެވެ.

އޮކްޓޯބަރިމަހު 7 ވަނަ ދުވަހުގައި ޢައްޒާ މިނިވަންކުރުމަށް އަލް އަޤްސާ ތޫފާނުގެ ނަމުދައި ފެށުނު ހަންގުތާމާގެ ސަބަބުން ވެސްޓް ބޭންކުގައި ހަމަނުޖެހުން ވަނީ އިތުރުވެހައެވެ.