ރާއްޖޭގެ އަމާޒަކީ މިހާރު ތުލުސްދޫގައި ކުރިއަށްދާ އޭޝިއަން ސާފިން ޗެމްޕިއަންޝިޕުން ރާއްޖޭގެ ދެ އެތުލީޓަކު، 2026 ވަނަ އަހަރު ޖަޕާނުގައި ބާއްވާ އޭޝިއަން ގޭމްސް އަށް ކޮލިފައިކޮށްދިނުން ކަމަށް، މޯލްޑިވްސް ސާފިން އެސޯސިއޭޝަން (އެމްއެސްއޭ)ގެ ރައީސް، މުހައްމަދު ސޮބާހު (ޗޭ) ވިދާޅުވެއްޖެއެވެ.
އެޝިއަން ސާފިން ޗެންޕިއަންޝިޕް ފެށުމުގެ ރަސްމިއްޔާތަށްފަހު މީޑިއާ ތަކަށް މައުލޫމާތު ދެއްވަމުން ޗޭ ވިދާޅުވީ, މިއަހަރުގެ މުބާރާތުގައި މިދިޔަ އަހަރުގެ މުބާރާތުގައި ބައިވެރިވި ސާފަރުންނަށް ވުރެ މޮޅެތި ސާފަރުން ބައިވެރިވެފައިވާ ކަމަށެވެ.
އެޝިއަން ސާފިން ޗެންޕިއަންޝިޕް ފެށުމުގެ ރަސްމިއްޔާތުގެ ތެރެއިން: ފޮޓޯ/ ސްޕޯޓްސް މިނިސްޓްރީ
އެހެން ނަމަވެސް ރާއްޖޭގެ ދެ ސާފަރުން އޭޝިއަން ގޭމްސް އަށް ކޮލިފައިވުން އެއީ އަމާޒެއް ކަމަށް ސޮބާހު ވިދާޅުވި ވިދާޅުވި އެވެ.
މިދިޔަ ފަހަރު ނާންނަ ބޮޑެތި އެތައް ސާފަރުން މިފަހަރު އައިސް މި ތިބީ ވަރަށް ވަރުގަދަ ކުދިން. އަދި ހަމަ އެގޮތަށް، ހޯމް އެޑްވާންޓޭޖް ވަރަށް ބޮޑުވާނެ އަޅުގަނޑުމެންނަށް. އަޅުގަނޑުމެންގެ ކުދިންނަށް، ރާޅު އަންނަނީ ކިހިނެއް ކަމާއި ބިންދާނީ ކިހިނެއް ކަމަކާ، މިހުރިހާ ތަފްސީލެއް އަޅުގަނޑުމެންގެ ހުރިހާ ކުދިންނަށް ވަރަށް އެނގޭނެ. އެހެންވީމާ މިއީ ވަރަށް ރަނގަޅު ފުރުސަތެއް. އިރާދަކުރެއްވިއްޔާ ދެ ކުދިން އަޅުގަނޑުމެންގެ އޭޝިއަން ގޭމްސްއަށް ކޮލިފައިވާނެ.
މޯލްޑިވްސް ސާފިން އެސޯސިއޭޝަން (އެމްއެސްއޭ)ގެ ރައީސް، މުހައްމަދު ސޮބާހު (ޗޭ)
އެޝިއަން ސާފިން ޗެންޕިއަންޝިޕް ފެށުމުގެ ރަސްމިއްޔާތުގެ ތެރެއިން: ފޮޓޯ/ ސްޕޯޓްސް މިނިސްޓްރީ
މި ފަހަރުގެ މުބާރާތުގައި 20 ގައުމަކުން 100 އަށް ވުރެ ގިނަ އެތުލީޓުން ބައިވެރިވެފައިވެ އެވެ. އޭގެ ތެރޭގައި ރާއްޖޭގެ ދެ ޓީމު ވެސް ހިމެނެ އެވެ.
ޗޭ ވިދާޅުވީ، އާއްމު ގޮތެއްގައި ކޮލިފައިން އިވެންޓެއްގައި ދެ ޓީމުން ބައިވެރި ކުރުމުގެ ފުރުސަތު ނުލިބުނު ނަމަވެސް، އޭޝިއަން ސާފިންގ ފެޑެރޭޝަނާއިއެކު ވަރަށް ބޮޑަށް ވާހަކަ ދެކެވި، ނެގޯޝިއޭޝަންތަކާއެކު ދެ ޓީމަށް ބައިވެރިވުމުގެ ފުރުސަތު ލިބިގެން ދިޔަ ކަމަށެވެ.
Advertisement
This content is created and paid for by advertisers and does not involve Voice Journalists
