ހައްދުފަހަނަ އަޅާފައިވާ އިޒްރާއީލުގެ ޔަހޫދީން ޣައްޒާގެ މެދުތެރޭގައި އޮންނަ ދީރް އަލް ބަލާހް ގެ ގެއަކަށް އަމާޒުކޮށްދިން ހަމަލާގައި މަންމަ އަދި އޭނާގެ 6 ދަރިން ޝަހީދުކޮށްލައިފިއެވެ.
މި ހަމަލާދީފައިވަނީ މިއަދު ހެނދުނުގެ ވަގުތުގައިކަމަށް އަލް ޖަޒީރާއިން ވަނީ ބުނެފައެވެ.
މިއަދު ހެނދުނުން ފެށިގެން މިހާރާހަމައަށް ޣައްޒާއިންވަނީ 21 މީހުނަށްވުރެ ގިނަ މީހުން ޝަހީދުކޮށްލާފައިވާކަމަށް ޣައްޒާގެ ހެލްތް މިނިސްޓްރީއިންވަނީ ބުނެފައެވެ. އަދި މީގެ ތެރޭގައި ގިނައީ އަންހެނުންނާއި ކުޑަކުދިން ކަމަށްވެސް ވަނީ ބުނެފައެވެ
2023 ވަނަ އަހަރުގެ އޮކްޓޯބަރު މަހުގެ 7 ވަނަ ދުވަހުގައި ޠޫފާން އަލް އަޤްސާގެ ނަމުގައި ޣައްޒާ މިނިވަންކުރުމަށް ފެށި މިހަނގުރާމައަށް 10 މަސްވެފައިވާއިރު މިހާތަނަށް 40،099 އަށް ވުރެ ގިނަ މީހުންވަނީ ހައްދުފަހަނަ އަޅާފައިވާ އިޒްރާއީލުގެ ޔަހޫދީން ދިން ހަމަލާތަކުގައި ޝަހީދުވެފައިވާކަމަށް ޣައްޒާގެ ހެލްތް މިނިސްޓްރީއިންވަނީ ބުނެފައެވެ
އަދި 92،602 އަށް ވުރެ ގިނަ މީހުންވަނީ ޒަހަމްވާކަމަށްވެސް ވަނީ ބުނެފައެވެ.
Advertisement
This content is created and paid for by advertisers and does not involve Voice Journalists
